Saturday, April 5, 2014

आपुलिया बळे, नाही मी बोलत। सखा कृपावंत, वाचा त्याची॥

॥ श्री स्वामी समर्थ॥

नमस्कार,

तुमच्या आवडत्या धोंडोपंत उवाच या ब्लॉगाने अकरा लाख वाचनसंख्येचा टप्पा ओलांडला. 

ज्योतिषासारख्या रटाळ विषयाला वाहिलेला, एका प्रादेशिक भाषेत लिहिला गेलेला ब्लॉग, इतका लोकप्रिय होतो, हे अलौकिक आहे. यात माझं काही कर्तृत्व वगैरे नाही. 

आपुलिया बळे, नाही मी बोलत। सखा कृपावंत, वाचा त्याची॥ 

हेच त्याचं कारण. 

परमेश्वराने दिलेल्या स्फूर्तीतून मी लिहित गेलो, जे लिहिलं ते अनुभवाचे बोल होते, त्यात अनेकांच्या प्रचीती चे दाखले होते, आणि तुम्ही ते गोड मानून घेतलतं, याबद्दल सर्व वाचकांना मनापासून धन्यवाद.

असाच लोभ असू द्यावा,  ही विनंती. 

गेले काही महिने ब्लॉगलेखनात खंड पडला आहे. पण आता मी पुन्हा ब्लॉगावर नियमितपणे लेखन सुरू करणार आहे. 

तुका म्हणे माझे, हेचि भांडवल। बोलविले बोल, पांडुरंगे॥

आपला,
(आपला) धोंडोपंत



॥ श्री साई समर्थ॥



Sunday, March 30, 2014

नवसंवत्सराच्या हार्दिक शुभेच्छा.

 ॥ श्री स्वामी समर्थ॥

नमस्कार,

सर्वप्रथम नवसंवत्सराच्या शुभेच्छा. हे नवीन वर्ष तुम्हां सर्वांना सुखाचे, समाधानाचे, आरोग्याचे, ऐश्वर्याचे जावो आणि तुमच्या सर्व मनोकामना पूर्ण होवोत अशी प्रार्थना.

उद्या नवीन संवत्सर सुरू होत आहे. या वर्षीपासून घरी पंचांग ठेवायला सुरूवात करा. प्रत्येक हिंदु घरात पंचाग पाहिजेच. आजही आम्ही बघतो की अनेक घरात पंचांग नसतं.

दरवर्षी मी हे आवाहन करत असतो तसे आजही करतोय.

ज्या शहरात तुम्ही राहता त्या शहराचे किंवा जवळपासच्या शहराचे अक्षांशावरून बनविलेले पंचांग शक्यतो वापरा. म्हणजे अक्षांशाचे गणित करायला लागणार नाही.

सोलापूरकर दाते पंचांग सर्वात उत्कृष्ट आहे. पण त्यांनी सोलापूरचे अक्षांश घेतले आहेत. त्या भागात राहणार्‍यांनी सोलापूरकर दाते पंचांग घ्यावे. मुंबईत राहणार्‍यांनी कालनिर्णय, ढवळे, निर्णयसागर वापरावे.

आम्ही वैयक्तिक कामासाठी टिळक पंचांग वापरतो. लोकमान्य टिळकांचे गुरू कै. केरोपंत छत्रे यांच्या विचारसरणीनुसार ते बनविलेले आहे. त्यात अधिक मास भिन्न मिळतो. लोकांचे गणपती तेव्हा आमचे नवरात्र असा प्रकार तीन वर्षांनी होतो. कोकणात सर्वत्र टिळक पंचांगच वापरले जात असे. पण या प्रकारामुळे लोक हल्ली इतर पंचांगे वापरतात. आम्ही मात्र पिढीजात ठेवा व लोकमान्यांवरील प्रेमामुळे वैयक्तिक गोष्टींसाठी टिळकपंचांग वापरतो. असो.

हिंदु पंचांगाइतकी सखोल माहिती जगातील इतर कुठल्याही कॅलेंडरमध्ये नसते. माहितीच्या साठ्याने ठासून भरलेली गोष्ट म्हणजे पंचांग. तिथी, वार, नक्षत्र, योग, करण या अंगांची माहिती ज्यात असते ते पंचांग. या व्यतिरिक्त विविध गोष्टींसाठीचे मुहूर्त, ग्रहणे, दिनविशेष, शास्त्रार्थ, दैनंदिन सूर्योदय-सूर्यास्त, ग्रहांचे राशी-नक्षत्र प्रवेश, ग्रहयोग, रेखांतर, ग्रहदशा, हवामान, पर्जन्यविचार, दैनंदिन भरती ओहोटीच्या वेळा, आहुतीच्या वेळा आणि इतर अनेक गोष्टींची माहिती दिलेली असते.

वैदिक कालगणना ही सर्वात जुनी असून जगातील सर्व कालगणना पद्धतीचा तो पाया आहे. याच पायावर इतर पद्धती उभ्या राहिल्या आहेत. हजारो वर्षांपूर्वी ऋषिमुनी कुठलीही साधने उपलब्ध नसतांना ग्रहण केव्हा लागेल, त्याचा मध्य कधी होईल, आणि केव्हा संपेल, हे केवळ गणिताच्या आधारावर सांगायचे. आणि त्यात सेकंदाचाही फरक येत नसे. ही एकच गोष्ट वैदिक कालगणनेची प्रगल्भता दाखवायला पुरेशी आहे.

इंग्रजी वार हे वैदिक कालगणनेतून उचललेले आहेत. शनिवार नंतर रविवारच का येतो? हे आमच्या आर्यभट्टाने सांगितले आहे. आर्यभट्टाचे सूत्र आहे:-

आ मंदात शीघ्रपर्यंतम्‌ होरेशा:।

मंद ग्रहापासून ते शीघ्र ग्रहापर्यंत होरे असतात. एक होरा एक तासाचा असतो. होरा शब्दाचा पुढे इंग्रजी Hour झाला.

तर शनिवार नंतर रविवारच का येतो? हा प्रश्न पाहू

शनि, गुरू, मंगळ, रवि, शुक्र, बुध, चंद्र.... हे मंदगतीपासून शीघ्रगति ग्रह झाले. ज्या ग्रहाचा वार असतो, त्याचा होरा त्या दिवशी पहिला असतो.

शनिवारी सकाळी सूर्योदयाला शनिचा होरा सुरू होतो. या सात ग्रहांच्या होर्‍याची तीन आवर्तने झाली म्हणजे एकवीस तास होतात. नंतर शनिवारचा बावीसावा होरा सुरू होईल.

म्हणजे शनिवारी बावीसावा तास हा पुन्हा शनिच्या होर्‍याचा. तेविसावा गुरूच्या होर्‍याचा येतो आणि चोवीसावा मंगळाच्या होर्‍याचा. इथे दिवसाचे चोवीस तास पूर्ण झाले. पंचविसावा होरा दुसर्‍या दिवशीच्या सूर्योदयाला रविचा येतो....

म्हणून शनिवार नंतर रविवार येतो.

हे पाश्चात्यांनी जसं च्या तसं उचललं. असो.

पंचांग न विसरता घेऊन या. उद्या त्याची पूजा करा. आणि ते कसे पहायचे याबद्दल काहीही मार्गदर्शन हवं असेल, तर मी आहेच.

आपला,
(शास्त्रीबुवा) धोंडोपंत



॥ श्री साई समर्थ॥

Monday, February 3, 2014

कसमें वादे निभाएंगे हम..... मिलते रहेंगे जनम जनम

॥ श्री स्वामी समर्थ॥

हा अभिप्राय एका दिल्लीतल्या मुलीचा आहे. हिच्या प्रेमविवाहाला मुलांच्या घरच्या व्यक्तींकडून कडाडून विरोध होत होता. तिच्या एका मैत्रिणीने दोन वर्षांपूर्वी तिला माझा संदर्भ दिला होता. तेव्हापासून ती मला ज्योतिषविषयक प्रश्न विचारते. या वेळेचा प्रश्न होता, प्रेमविवाहाला तिच्या प्रियकराच्या पालकांची अनुमती मिळेल का? या प्रश्नाचं उत्तर जन्मकुंडलीवरून देता येणार नाही. त्यासाठी प्रश्नकुंडलीला पर्याय नाही.

मी प्रश्नकुंडली मांडून २५ ऑक्टोबर २०१३ नंतर त्यांचा विरोध जाईल, तोपर्यंत गप्प रहा, अजिबात हा विषय त्यांच्याकडे काढू नकोस. २५ ऑक्टोबरनंतर अंतर्दशा बदलल्यावर शनिच्या अंमलाखाली असलेली एखादी वयस्कर व्यक्ती, शिष्टाई करेल आणि तुझ्या विवाहाला त्याच्या पालकांची संमती मिळवेल, असे तिला सांगितले होते. पण तिच्या आईवडिलांना धीर धरवेना. त्यांनी आधीच मुलाच्या घरच्या मंडळींशी संपर्क साधला. पण त्यांचा विरोध मावळायच्या ऐवजी अधिकच वाढला. 

नंतर नोव्हेंबर मध्ये तिचे एक दूरचे काका अमेरिकेहून भारतात आले आणि त्यांनी पुढाकार घेऊन मुलाच्या आईवडिलांची भेट घेतली आणि विरोध करणारे वरमातापिता विवाहास अनुकूल होऊन तिचा साखरपुडाही सर्वांच्या संमतीने आणि आशीर्वादाने पार पडला. 

३१ जानेवारी नंतर विवाह होईल असे मी सांगितले होते. आता हॉल मिळवायच्या खटपटीत ते लोक आहेत. 

कु. अशिमा आणि चि. रवी यांना सुखी वैवाहिक जीवनासाठी शुभेच्छा.

देखा मैंने तुझको तो मुझे ऐसा लगा
बरसों का सोया हुआ, प्यार मेरा जगा
तू हैं दिया, मैं हूँ बाती,
आ जा मेरे जीवन साथी

कसमें वादे निभाएंगे हम
मिलते रहेंगे जनम जनम


तिचा हा अभिप्राय :-


Thank You so much


Ashima Ahuja
21 Jan (13 days ago)

to me
Dear Mr Pant

I was calling you yesterday but could not reach you over phone.

I wanted to tell you that i am officially engaged to Ravi, i had taken 
consultation from you long back.

I wanted to thank you with all my heart for having shown me the 
right path towards the solution of my problem. Just as you had predicted 
that someone outside of home would intervene and solve my problem, 
after 25th october 2013, same thing  happened, my uncle from US came
in November and he sorted things out.
You had predicted marriage after 31st Jan 2014, we are looking at 
dates for March 2014.

Thank you so much for all your support. May God bless you with 
a long life so that you may help millions in distress, like me.
Thank You

Regards
धोंडोपंत dhondopant@gmail.com
29 Jan (5 days ago)

to Ashima
Hello Ashima,
Heartiest Congratulations and my very best wishes to you for a 
very happy, healthy and prosperous married life.
God bless you both.
Dhondopant

कारभारी दमानं......

॥ श्री स्वामी समर्थ॥

नमस्कार,

बरेच जण लेखासाठी उतावीळ झाले आहेत. राजेंद्र घाणेकरांपासून मनोजराव भाटवडेकरांपर्यंत सर्वांच्या भावना मी समजतोय. आत्ताच जरा मोकळा होतोय. आता कुंडल्या, लेख, अभिप्राय वगैरे येतील. जरा धीर धरा.

कारभारी दमानं, होऊ द्या दमानं

आपला,
(आश्वासक) धोंडोपंत
॥ श्री साई समर्थ॥

Tuesday, January 14, 2014

एक हौस पुरवा महाराज.... मला आणा कोल्हापुरी साज

॥ श्री स्वामी समर्थ॥

शकुन आणि नंबरांवरून केलेलं भविष्यकथन याचे वाचकांना प्रचंड आकर्षण आहे. कारण सरळ आहे. त्याची अनुभूती ज्योतिष न शिकलेला माणूसही केवळ स्वत:च्या तर्कबुद्धीने घेऊ शकतो. शकुन हा निसर्गाचा संकेत आहे. आपल्या आजूबाजूला घडणार्‍या घटनेतून योग्य तो अर्थ काढून आपल्याला अनुमानाची दिशा त्यातून घेता येते. गेल्या आठवड्यातला हा एक ताजा अनुभव.

संध्याकाळी मठातून बाहेर पडत असतांना एक फोन आला. सौ. पाटील यांचा साज मिळत नसल्यामुळे त्या फार दु:खी झालेल्या होत्या. फोनवर बोलतांनाही त्या त्यांच्या भावना आवरू शकल्या नाहीत. त्यांचा सूर सुरुवातीस रडवेला वाटत होता पण दोन वाक्य बोलल्यावर त्या ढसाढसा रडायलाच लागल्या. एकतर नवर्‍याने त्यांची इच्छा पूर्ण करण्यासाठी, हौसेने तो ठसठशीत, जाडजूड कोल्हापुरी साज त्यांना घेतला होता.  इतका किंमती ऐवज गहाळ झाल्यावर कुणीही दु:खी होईलच. मी मठाच्या बाहेर आल्यावर, चप्पल घेण्यासाठी, चप्पलांच्या खणाचा बिल्ला तेथील सेवेकर्‍याला देत होतो. त्यावेळेस त्यांचा फोन वाजला आणि पुढचं संभाषण झालं. 

मी घड्याळ्यात पाहिलं. सात वाजून पंचवीस मिनिटे झाली होती. म्हणजे कर्क लग्न सुरू होतं. कर्क लग्नावर प्रश्न विचारला असल्यास होकारार्थी उत्तर येतं. मी त्यांना म्हटलं, 

" वहिनी शांत व्हा. तुमचा साज मिळणार." 

त्या म्हणाल्या, " मला बरं वाटावं म्हणून तुम्ही हे सांगताय का पंत?" 

म्हटलं, " अजिबात नाही. मी आत्ता स्वामींच्या मठासमोर उभा आहे. मला इथूनही स्वामी दिसत आहेत. स्वामींसमोर उभं राहून सांगतोय. तसचं आत्ता कर्क लग्न सुरू आहे. उत्तर नकारार्थी येणार नाही." 

मी हे सांगितल्यावर त्यांना जरा हायसं वाटलं असावं. त्यांचा पुढचा प्रश्न आला, " कुठे मिळेल?" 

मी आजूबाजूला काही शकुन मिळतोय का हे बघण्यासाठी नजर टाकली. तर लोखंडी कपाट घेऊन, एक हातगाडी समोरून चालली होती. तो शकुन धरून मी त्यांना म्हटलं, 

" तुमच्या घरी लोखंडाचे कपाट आहे का?" त्या " हो" म्हणाल्या.  

म्हटलं, " त्यात शोधा." 

त्या म्हणाल्या, " त्या कपाटातल्या लॉकरमध्येच आम्ही दागिने ठेवतो. मी तो लॉकर पुन्हा पुन्हा शोधलाय. तिथे नाहीये." 

मी म्हटलं, " पुन्हा शांत चित्ताने शोधा. मी सांगतोय म्हणून शोधा." त्या बरं म्हणाल्या आणि त्यांनी फोन ठेवला. 

साधारण सात आठ मिनिटे उलटली असतील, मी मठातून भोसल्यांच्या वडापावच्या गाडीवर गेलो. त्यांच्याशी दोन मिनिटे बोलून नाक्यावर आलो. तेवढ्यात पाटील वहिनींचा पुन्हा फोन. 

म्हणाल्या, " पंत, साज मिळाला. काय टेन्शनमध्ये होते हो मी? तुम्ही सांगितल्यावर पुन्हा लॉकरमध्ये शोधलं. लॉकरच्या आतमध्ये अजून एक कप्पा असतो त्याच्या फटीत होता. बॉक्समधून तिथे कसा गेला समजत नाही. नशीब हे घरी यायच्या आधी मिळाला. त्यांना कळलं असतं तर माझं काही खरं नव्हतं." 

म्हटलं, " आता मिळालाय ना? आता तो तिथे कसा गेला, हे समजून घेण्यासाठी आटापिटा करू नका. आता पाटीलसाहेबांना सांगून अजून एक साज करून घ्या. अशा अटीतटीच्या प्रसंगात, एक स्टॅंडबाय असलेला बरा. " :) :)

त्या म्हणाल्या, " एक कसाबसा झालाय. दुसरा घेऊन देणार ते? वाट बघा." 


म्हटलं, " त्यात काय कठीण आहे? त्यांना सांगा ना....

एक हौस पुरवा महाराज .... मला आणा कोल्हापुरी साज

आपला,
(चतुर) धोंडोपंत


॥ श्री साई समर्थ॥

Monday, January 13, 2014

जातकांचे अभिप्राय - नोकरी

॥ श्री स्वामी समर्थ॥

सांगितल्यानुसार अपेक्षित कालावधीत नोकरी मिळाल्याबद्दल हा अभिप्राय.


Shraddha Hasabnis  
10/12/2013
http://mail.google.com/mail/u/0/images/cleardot.gif

http://mail.google.com/mail/u/0/images/cleardot.gif
http://mail.google.com/mail/u/0/images/cleardot.gif
to me
http://mail.google.com/mail/u/0/images/cleardot.gif

नमस्कार पंत,

काही दिवसां पूर्वी तुमचे मार्गदर्शन घेतले होते आणि जानेवारीत नोकरी मिळेल असे बोलला होता. आता ऑफर लेटर आले आहे. १६ जानेवारीला जॉईन करायला सांगितले आहे. पुढे परदेशी जाण्याचे योग आहेत हे देखील बोलला होतात ते पण फार लांब नाहीये. 

मार्गदर्शना बद्दल धन्यवाद. 

--श्रद्धा


http://mail.google.com/mail/u/0/images/cleardot.gif