Sunday, March 28, 2010

जागुन ज्याची, वाट पाहिली, ते सुख आले, दारी.........

॥ श्री स्वामी समर्थ॥
लोकहो,

गेल्या रविवारी म्हणजे २१ मार्चला दुपारी वामकुक्षी उरकून, चहा घेत असतांनाच सौ. वर्तक यांचा फोन आला. त्यांच्या मुलीच्या प्रसूतिची तारीख जवळ आली होती.

ऑक्टोबर २००८ मध्ये आम्ही तिची पत्रिका पाहिली होती. तिला सहा वर्षांची एक  मुलगी आहे. पहिल्या बाळंतपणानंतर साडेतीन/चार वर्षांनी त्यांनी द्वितीय संततीसाठी प्रयत्न केले पण दोन वेळा गर्भधारणा होऊन, दोन्ही वेळा तिचा दुसर्‍या महिन्यात गर्भपात झाला होता. त्या टेन्शनमध्ये सौ. वर्तक तिला घेऊन द्वितीय संततीच्यासंबंधी विचारण्यासाठी  आमच्याकडे आल्या होत्या.

अंतर्दशास्वामी बुधाच्या नक्षत्रात असून चतुर्थाचा कार्येश होता. त्यामुळे दोन वेळा गर्भपात झाला. बुध कुठलीही घटना पुन्हापुन्हा घडवतो. अशा अंतर्दशेत गर्भपात झाल्यास त्या अंतर्दशेत पुन्हा चान्स न घेणे शहाणपणाचे असते. ती अंतर्दशा सोडून द्यावी.  घटस्फोट झाल्यास त्याच अंतर्दशेत दुसरा विवाह करू नये. असो.

आम्ही तिला सहा महिने थांबण्याचा सल्ला दिला होता. "अजून सहा महिने म्हणजे एप्रिल २००९ पर्यंत अजिबात चान्स घेऊ नकोस. त्यानंतर संततीसाठी प्रयत्न कर, तुला दुसरे मूल होईल." असे आम्ही तेव्हा तिला सांगितले होते.

त्यानुसार तिला जून २००९ मध्ये गर्भधारणा झाली. " यावेळी तरी सर्व नीट होईल ना?" असा प्रश्न त्यांनी तेव्हा पुन्हा विचारला. "सर्व व्यवस्थित होईल, काळजी नको." असे सांगितले.

गेल्या रविवारी फोन केल्यावर, त्यांच्या मुलीला नऊ महिने मंगळवारी, २३ तारखेला पूर्ण होत आहेत तर तिची प्रसूति नक्की कधी होईल? असा प्रश्न त्यांनी विचारला. वर हे ही म्हणाल्या की, 

" पंत, दोन वेळेस हे असं झाल्यामुळे या वेळेस खूप टेन्शन आहे. एक एक दिवस आम्ही कसा काढतोय आमचे आम्हाला माहीत. "

आम्ही म्हटले, " टेन्शन कसलं घेताय? तिचा सध्याचा अंतर्दशास्वामी स्थिर राशीत आहे आणि त्याचा चतुर्थाशी काही संबंध नाही. सर्व व्यवस्थित होईल म्हणून सांगितलाय ना? जरा थांबा. दोन मिनिटात सांगतो ती कधी मोकळी होईल ते."

घटना आठ दहा दिवसात घडणारी आहे त्यामुळे चंद्रभ्रमणावरून कालनिर्णय करता येईल. प्रश्नवेळेचे म्हणजे दिनांक २१ मार्च २०१० रोजी दुपारी ०३ वाजून १६ मिनिटांचे रुलिंग प्लॅनेट्स असे होते.

लग्न- कर्क - चंद्र
नक्षत्र- रोहिणी - चंद्र
राशी - वृषभ - शुक्र
वार - रविवार - रवि

प्रश्नवेळेस चंद्र वृषभेत रोहिणी नक्षत्रात होता. प्रश्नवेळेस कर्क लग्न सुरू आहे. तसेच रुलिंगमध्ये सर्व शीघ्रगती ग्रह आहेत. रुलिंगमध्ये शनीसुद्धा नाही. म्हणजे हिची प्रसूति फार लांबणार नाही. मंगळवारी नऊ महिने पूर्ण होतील. त्यानंतर नऊ दिवस वाट पहावी लागणार नाही. घटना लगेच घडेल. हे पहिले अनुमान.

वृषभेतील पुढील मृगशीर्ष नक्षत्राचा स्वामी मंगळ रुलिंगमध्ये नाही. म्हणजे वृषभेत चंद्र असतांना प्रसूति होणार नाहीच. पुढे मिथुन व कर्क राशीतील भ्रमणही सोडावे लागेल. 

त्यानंतर चंद्र सिंहेत जाईल. सिंहेत केतुचे मघा, शुक्राचे पूर्वाफाल्गुनी व रविचे उत्तराफाल्गुनी नक्षत्र आहे. त्यापैकी केतु रुलिंगमध्ये नाही. म्हणजे मघा नक्षत्रात प्रसूति होणार नाही. रवि एकदाच रुलिंगमध्ये आहे. त्यामुळे सिंहेतील उत्तराफाल्गुनीतील चंद्रभ्रमण धरता येणार नाही.

पण सिंह रास आणि शुक्राचे नक्षत्र हे कॉम्बिनेशन आहे. त्यामुळे चंद्र सिंहेत गेल्यावर जेव्हा शुक्राच्या पूर्वाफाल्गुनी नक्षत्रातून भ्रमण करेल तेव्हा हिची प्रसूती होईल.

आम्ही पंचांग काढले. त्यात दिनांक २८ मार्च २०१० रोजी चंद्र पूर्वाफाल्गुनीत असेल असे दिले आहे. आम्ही सौ. वर्तकांना म्हटले,

"पुढच्या रविवारी २८ मार्चला ती बाळंत होईल. अजून एक आठवडा आहे. काळजी करू नका. स्वामींचे नाव घेत रहा. सर्व व्यवस्थित होईल."

त्यांना आनंद झाला. त्या म्हणाल्या, " अजून एक विचारायचायं"

"आम्हांला ते माहीत आहे तुम्हालां काय विचारायचाय ते. काय फरक पडणार आहे काहीही असले तरी?"

"तसा काहीच फरक पडणार नाही. पण तिला पहिली मुलगी आहे."

सौ. वर्तक त्यांना नातू हवाय आणि तो होईल का? हे स्पष्टपणे न विचारता आडून आडून बोलत होत्या.  आम्ही क्षणार्धात त्यांना म्हटलं,

" होईल तुमच्या मनासारखं. वाटा पेढे."

सांगितल्याप्रमाणे आज दुपारी ०१ वाजून ०५ मिनिटांनी ती प्रसूत झाली. प्रसूति झाली तेव्हा चंद्र रविच्या सिंह  राशीत शुक्राच्या पूर्वाफाल्गुनी नक्षत्रात होता. महादशास्वामी शुक्र पंचमेश असून लाभात.

आणि हो,

तिला मुलगाच झाला.

आपला,
(आनंदित) धोंडोपंत

Friday, March 26, 2010

जातकांचे अभिप्राय - शुभेच्छा

॥ श्री स्वामी समर्थ॥

लोकहो,

ब्लॉगाची वाचनसंख्या दोन लाखांचा टप्पा ओलांडून गेल्याबद्दल काही जातकांनी अभिप्राय पाठवले आहेत. 

त्या  सर्वांना धन्यवाद आणि शुभेच्छा.

श्री स्वामींची अखंड कृपा त्यांच्यावर आणि त्यांच्या कुटुंबावर राहो, अशी प्रार्थना.

आपला,
(शुभचिंतक) धोंडोपंत













Fromमनाली सायनकर/मोहोळकर<
toधोंडोपंत
date22 March 2010 19:34
subjectAbhinandan
mailed-bygmail.com
Signed bygmail.com











hide details 22 Mar (3 days ago)
नमस्कार पंत,

"धोंडोपंत उवाच" ने २ लाखाचा टप्पा ओलांडला ......अभिनंदन....

शनिवार व रविवार काही कारणांनी ब्लॉग वर य़ेणे झाले नाही...त्यामुळे हा उशीर..

स्वामींची अशीच कृपा सर्वांवर राहॊ....












मनाली


fromअमोल केळकर <>
todhondopant@gmail.com
date13 March 2010 13:21
subject[धोंडोपंत उवाच] New comment on वाचकांचे आणि जातकांचे आभार......
mailed-byblogger.bounces.google.com
Signed byblogger.com











hide details 13 Mar (12 days ago)

पंत,

आपल्या ब्लॉगची वाचकसंख्या २ लाखाच्या घरात पोहोचली त्याबद्दल आपले अभिनंदन. आमच्यासारख्या नवोदित जोतिष अभ्यासकांना आपला ब्लॉग म्हणजे एक अमूल्य ग्रंथ आहे यात शंका नाही. एखादा भाविक एखाद्या धार्मिक ग्रंथाची पारायणे करतो, तसे आम्ही देखील आपला ब्लॉगवरील लेखनाचा आनंद घेत असतो आणि आज पंत नवीन काय लिहिणार आहेत याची उत्सुकता लागून राहिलेली असते.

माझ्या माहितीप्रमाणे केवळ जोतिष विषयाची माहितीच नव्हे तर एकूणच आपला ब्लॉग म्हणजे साहित्य, कला, संस्कृती याचा एक उत्तम मिलाफ आहे. म्हणूनच एखादा जोतिषावर विश्वास नसलेला देखील आपला ब्लॉगचा मनमुराद आनंद घेऊ शकतो. मराठीत असंख्य ब्लॉग / अनुदिनी जालावर आहेत. मात्र 'घोंडोपंत उवाच' हा ब्लॉग सजावट, रंगसंगती, मुखपृष्ठ या सर्व बाबतीत सरस आहे यात शंका नाही.

आपला एकमेकांशी परिचय होण्यात ही या ब्लॉगचा फार मोठा वाटा आहे.

आपल्या ब्लॉगची लोकप्रियता अशीच वाढत राऊन वाचकसंखेने कोटीच्या कोटी उड्डाणे करावीत या मराठी नव वर्षाच्या पूर्वसंध्येला शुभेच्छा व्यक्त करतो.

आपला

अमोल केळकर 
fromMandar <>
todhondopant@gmail.com
date13 March 2010 15:11
subject[धोंडोपंत उवाच] New comment on वाचकांचे आणि जातकांचे आभार......
mailed-byblogger.bounces.google.com
Signed byblogger.com











hide details 13 Mar (12 days ago)

Abhinandan Pant,

Evdhi vachak sankhya zali tyabbaddal tar ahech, pan evdhya saglya jananna yogya aani daivi margadarshan tumhi kelat tyabaddal jasta abhinandan. Karan asa margadarshan karna yerya gabalyache kam nohe.

Tumhi kharokharach bhagyavan ahat ki Swaminchi evdhi krupa tumchyavar ahe aani mukhya mhanje ti tumhi changlya kama sathi vaparta. Hya sathi man, buddhi aani antakaran khup swachha asava lagta aani te tumcha aahe hyacha nehemi prattayai yeto amhala.

Adhik kai lihu ? Swaminchi akhanda krupa tumha amha var ashich rahu de evdhich prarthana karto.

Punascha Abhinandan.

Aapla Krupabhilashi,
Laxmikant Puranik 

fromanagha <>
todhondopant@gmail.com
date12 March 2010 17:15
subject[धोंडोपंत उवाच] New comment 
mailed-byblogger.bounces.google.com
Signed byblogger.com











hide details 12 Mar (13 days ago)


नमस्कार,

तू खरंच विलक्षण आहेस. ज्योतिष या विषयाचा तुझा व्यासंग कौतुकास्पद आहेच आणि तुला लाभलेला श्री स्वामी समर्थांचा आशीर्वाद तुझ्या व्यासंगाला मिळालेलं कोंदणच आहे.

तुझ्याकडून.... तुझ्या सखोल अभ्यासातून प्रश्नकर्त्यांना सतत अचूक मार्गदर्शन लाभत राहो.

तुला अनेक शुभेच्छा !!

सौ.अनघाताई 

fromManish<>
toधोंडोपंत
date26 March 2010 00:54
subjectलखोपती धोंडोपंतांचे अभिनंदन!! :-)
mailed-bygmail.com
Signed bygmail.com











hide details 00:54 (7 hours ago)
प्रिय धोंडोपंत,

ब्लॉगने २००,००० वाचनसंख्या ओलांडल्याबद्द्ल अभिनंदन आणि शुभेच्छा.

तुम्ही म्हणता त्याप्रमाणेच, व्यावसायिकतेपेक्षाही एक सच्चा माणूस हेच ह्या यशाचे गमक आहे.

तुमच्या फटकळपणाच्या आतल्या प्रेमळ आणि अस्सल माणुसकीचा मला अनुभव आहेच!

तुमचे असेच मार्गदर्शन आम्हाला मिळत राहो हीच इच्छा!

आपला स्नेहांकीत,
- मनिष











Fromकोंतेय 
todhondopant@gmail.com
date27 March 2010 12:27
subject[धोंडोपंत उवाच] New comment on जातकांचे अभिप्राय - शुभेच्छा.
mailed-byblogger.bounces.google.com
Signed byblogger.com





hide details 12:27 (8 minutes ago)
नमस्कार पंत,

ब्लॉगने २ लाखाचा टप्पा ओलांडल्याबद्दल आपल्याला लाख लाख शुभेच्छा.

ज्योतिष हे शास्त्र आहे किंवा नाही असे विचारणार्‍या लोकांसाठी हे अप्रतिम उत्तर आहे. जिथे श्रद्धा असते, तिथे हे प्रश्न गौण असतात.

आणि ही श्रद्धा मिळवली ती तुमच्या सचोटीने. जे आहे ते असे आहे, पटले तर घ्या नाहीतर सोडून द्या....  या तुमच्या स्वभावाने. उगाचच कोणाला तरी बरे वाटेल म्हणून तुम्ही खोटे नाही बोललात. या सर्व गोष्टींचे फळ आहे.

हा ब्लॉग सुरु करुन तुम्ही माझ्या सारख्या असंख्य जातकांवर उपकारच केले.  नाहीतर तुमचा आणि आमचा परिचयच झाला नसता आणि तुमचे अमूल्य मार्गदर्शन आम्हाला मिळाले नसते. नरकचतुर्दशीला, शनी अमावास्याला दिलेले तोडगे अप्रतिम होते.

जरी तुम्हाला प्रत्यक्ष भेटलो नसलो तरी या ब्लॉगच्या माध्यमातून धोंडोपंत ही वल्ली कशी आहे हे समजून आले.

कधी दुसर्‍याचे नुकसान होऊ नये म्हणून स्वत:चे भविष्य चुकावे यासाठी स्वामींना प्रार्थना करणारे पंत.... तर कधी मूर्खासारखे प्रश्न विचारणार्‍या लोकांना सरळ कोकणी भाषेत शिव्या घालून वाटेला लावणारे पंत.... स्वत:चे ६, १२ लागू नये म्हणून जेवण सोडून पत्नीसाठी प्रश्नकुंडली मांडणारे पंत.... आपल्या मुलाच्या वयाचे असणार्‍या मुलांच्या प्रेमप्रकरणांचे निकाल लावणारे पंत.
कोकणातील फणसासारखे वरुन काटेरी (स्पष्टवक्तेपणामुळे) पण आतून गोड असणार्‍या पंतांवर स्वामींची अशीच कृपा राहो, हीच स्वामीचरणी प्रार्थना.

आपला कृपाभिलाषी.
स्वप्नील






fromप्रसाद कुलकर्णी <>
todhondopant@gmail.com
date28 March 2010 09:38
subject[धोंडोपंत उवाच] New comment on जातकांचे अभिप्राय - शुभेच्छा.
mailed-byblogger.bounces.google.com
Signed byblogger.com




hide details 09:38 (1 hour ago)

नमस्कार पंत,
आपल्या ब्लॉगने २ लाखाचा टप्पा ओलांडल्या बद्दल लाखो शुभेच्छा! कोट्यावधी शुभेच्छा देण्याचा योग लवकरच येवो अशी स्वामींचरणी प्रार्थना.
कामामुळे पहात असूनही लवकर प्रतिक्रिया देणे जमले नाही. पण एकंदरच आगोदर ज्यांनी प्रतिक्रिया दिलेल्या आहेत, त्यांनी माझ्याच मनातल्याच भावना बोलून दाखवल्या आहेत. त्यामुळे वेगळे काही लिहायला उरलेले नाही.

आपला ब्लॉग हा ज्योतिष्य शिकणार्‍यांसाठी एका मार्गदर्शकाचे काम करतोच पण केळकर म्हणतात त्याप्रमाणे एकूणच आपला ब्लॉग म्हणजे साहित्य, कला, संस्कृती याचा एक उत्तम मिलाफ आहे. त्यामुळेच ज्योतिष्यशास्त्राची हौस असणारे हौशे आणि काही माहिती मिळवू पहाणारे गौशे ह्या ब्लॉगच्या वाचकांमधे खूप असतील. 
पण त्याच जोडीने ज्योतिष्यशास्त्रातले ओ कि ठो न कळणारे माझ्यासारखे नवशे ही खूप असतील. रोज सकाळी ऑफिसमधे आल्यावर, " धोंडोपंतांचा नवीन खुमासदार लेख वाचायला मिळो... तो वाचून फ़्रेश होऊन आज दुप्पट काम करेन" असा नवस बोलून कामा अगोदर हा ब्लॉग उघडणारे नवशे!

आपण म्हणता त्याप्रमाणे तुम्ही कधी लेख बनवत नाही. जे सुचेल तसे एकटाकी लिहित जाता. मला वाटते तेच ह्या ब्लॉगाच्या यशाचे रहस्य आहे. त्यामुळेच आपल्या लेखातून वरवर दिसणारा फटकळपणा , कोकणी शिव्या (स्वप्नील म्हणतो त्या प्रमाणे फ़णसाचे काटे) यांच्या आतला नितळ माणूस स्वच्छ उलगडत जातो. तोच जास्त मनाला भावतो.

या यशाबद्दल तुमचे पुन्हा एकदा अभिनंदन.

जाता जाता एक विनंती: आपण आपले लेख लिहिण्यासाठी ब्लॉगची निवड केलीत. ब्लॉगची काही लिमिटेशन्स आहेत. (जुन्या लेखातील पत्रिका न दिसणे वगैरे.) ती कमी करण्यासाठी आपण स्वत:ची वेब साईट काढावी. त्यासाठी लागणारा वेळ आणि आपल्या कामाचा लोड पहाता ही मागणी जरा जास्तच आहे हे पटतय... पण...

लवकरच आपली स्वत:ची वेबसाईट होवो आणि त्याचे कोट्यावधी मेंबर होऊन अब्जावधी वाचने होवोत हीच स्वामीचरणी प्रार्थना.

आपला
प्रसाद कुलकर्णी 





fromsuhas patole<>
toधोंडोपंत
date31 March 2010 01:01
subjectRe: 
mailed-bygmail.com
Signed bygmail.com

hide details 01:01 (6 hours ago)

Dear Dhondopant Ji
Namaskar ,
Congratulations ,for  achiving 200,000 " Dhondopant Uvach"
may this zeros keep adding
very sincere , prompt ,clear-cut and realisitc replies for all queries .
keep going on and achive record milestones.
We are with you 
Best wishes 
Suhas ,Manisha and Familty 
Abu Dhabi  



fromRajesh Joshi<>
toधोंडोपंत
date8 April 2010 19:19
subjectआभिनंदन
mailed-bygmail.com
Signed bygmail.com
hide details 19:19 (39 minutes ago)
नमस्कार पंत,
 
ब्लॉग ची वाचक संख्या २ लाख झाल्या बद्दल आभिनंदन. पत्रास उशीर झाल्या बद्दल क्षमस्व.
हल्ली दररोज ब्लॉग वाचायला वेळ होत नसला तरी एकदा ब्लॉग वर गेलो की मागील सगळे लेख वाचून काढतो.
ब्लॉग वाचून झाल्यावर मस्त श्रीखंड पुरी चे जेवण झाल्या सारखे वाटते!
 
आपला,
(खादाड) राजेश जोशी