Wednesday, September 29, 2010

नसीब गांडू.... तो क्या करेगा धोंडू

|| श्री स्वामी समर्थ||
लोकहो,
असे म्हणतात की, " नसीब गांडू.... तो क्या करेगा पांडू". तशाच स्वरुपाची आमची स्वतःची ही प्रश्नकुंडली.

दिनांक ९ सप्टेंबर रोजी बाजारावर झलक टाकतांना सिमेन्सचे शेअर्स घ्यावे असे प्रकर्षाने वाटू लागले. सिमेन्स हा आमच्या कोअर पोर्टफोलिओ मधला शेअर आहे. 

त्या दिवशी त्याने खाली येऊन ६९९ चा भाव दाखवला होता. घ्यावा की नाही या अंतीम निर्णयासाठी आम्ही प्रश्नकुंडली मांडली. समोरच्या पुस्तकाचे पान उलटून नंबर घेतला. नंबर आला ५५. प्रश्नवेळेची कुंडली खाली दिली आहे.

या कुंडलीत चंद्र स्वत: लाभस्थानात असून तो भाग्येश आहे. म्हणजे ठराविक गोष्टीत फायदा होईल का? हा प्रश्न ही कुंडली व्यवस्थित दाखवते आहे. म्हणजे पुढे बघायला हरकत नाही.

या कुंडलीचा नवमांश पंचमेश शनी येतो. प्रश्नवेळी शनी स्वतः मार्गी आहे. शनी लाभस्थानात असून तो तृतीयेश आणि चतुर्थेश आहे. शनी चंद्राच्या नक्षत्रात आणि चंद्र स्वतः लाभस्थानात आहे व तो भाग्येश आहे. प्रश्नवेळेस शनी मार्गी आहे व चंद्र नेहमीच मार्गी असतो.

म्हणजेच पंचमाचा नवमांश स्वामी हा लाभस्थानाचा अत्यंत बलवान कार्येश आहे. म्हणजे सिमेन्सचे शेअर्स घेऊन फायदा होणारच.

हे सर्व झालं आणि कामाच्या व्यापात ही गोष्टच  डोक्यातून निघून गेली. आज सकाळी मार्केट पाहतांना वीस दिवसापूर्वी सिमेन्ससाठी बनविलेल्या प्रश्नकुंडलीची आठवण झाली. 

आम्ही तातडीने सिमेन्स पाहिला. सिमेन्सचा भाव होता रुपये ८४२. जो शेअर १२ ट्रेडिंग दिवसांपूर्वी ६९९ रुपये होता तो १२ दिवसात ८४२ रुपयांवर गेला. पण आम्ही प्रश्नकुंडली मांडूनही तो विकत घेऊ शकलो नाही. 

प्रश्नकुंडलीने अचूक मार्गदर्शन केले खरे पण त्याचा उपयोग करून घ्यायला आम्हांला तशा दशा पाहिजेत ना? आम्हांला सध्या अष्टमाची दशा सुरू आहे.

पुढे आलेला घास तोंडात जाऊ नये, याला नशीब नाही तर काय म्हणायचे?

आपला,
(दुर्दैवी) धोंडोपंत

Monday, September 27, 2010

चेन्नई सुपरकिंग्जचे मनापासून अभिनंदन........

॥ श्री स्वामी समर्थ॥
लोकहो,

चेन्नई सुपरकिंग्जने टी ट्वेन्टी जिंकल्याबद्दल चेन्नई संघाचे मन:पूर्वक अभिनंदन आणि शुभेच्छा.

भारतीय संघाने जिंकावे ही तमाम भारतीय क्रिकेटरसिकांची मनोकामना चेन्नईने पूर्ण केली त्याचा आम्हाला आत्यंतिक आनंद आणि अभिमान वाटतो. 

योग्य खेळाडूंची निवड, उत्तम नियोजन, संघाच्या धोरणांची योग्य अंमलबजावणी, भावनेच्या आहारी न जाता शांत डोक्याने केलेला खेळ, प्रत्येक खेळाडूला स्वत:च्या जबाबदारीची जाणीव या सर्व गोष्टी त्यांच्या लागोपाठ दुसर्‍या विजयासाठी कारणीभूत आहेत. 

चेन्नई सुपरकिंग्जला आमच्या हार्दिक शुभेच्छा. यापुढेही उत्तम क्रिकेट त्यांच्याकडून खेळले गेलेले पहायला मिळेल आणि क्रिकेटच्या चाहत्यांना अवर्णनीय आनंदाचा लाभ होईल या अपेक्षेसह....

आपला,
(हर्षभरित) धोंडोपंत

Saturday, September 25, 2010

रैना जीत जाये........ कुंबळे न आए

|| श्री स्वामी समर्थ||
लोकहो,

कालच्या सेमिफायनलमध्ये चैन्नईने बंगलोरची धूळधाण करत ५२ धावांनी विजय मिळवला आणि ते फायनलला पोहोचले.

भारतीय क्रिकेट क्षितिजावरचा नवा उगवता तारा सुरेश रैना काल बरसला. ९४ धावांची खेळी करून त्याने विजयाच्या शिल्पकाराचा मान पटकावला. सुरेश रैनाचे आत्यंतिक मनापासून अभिनंदन आणि फायनलसाठी चेन्नई संघाला हार्दिक शुभेच्छा.

अडीच षटके झाल्यावर पावसामुळे खेळ बंद करावा लागला. त्यानंतर १७ षटकांचा सामना घेण्याचा निर्णय झाला. चेन्नईने पहिली फलंदाजी घेतली होती. मॅथ्यू हॅडन संघात नव्हता. पण चेन्नईने अप्रतिम फलंदाजी केली. रैनाच्या फलंदाजीचे वर्णन करायला आमच्यापाशी शब्द नाहीत. त्याने डोळ्यांचे पारणे फेडले एवढेच म्हणू.


त्याच्या प्रत्येक फटक्यावर बंगलोरच्या उडप्यांचे चेहरे पाहण्यासारखे झाले होते. कुंबळेचा चेहरा तर हवा गेलेल्या फुटबॉलसारखा दिसत होता. लय मजा आली राव कुंबळ्याला पाहून. इतरांच्या गोलंदाजीवर झालेल्या अमाप धावा पाहून वैतागणारा कुंबळे, त्याची स्वत:ची बॉलिंग झोडल्यावर कसा दिसत असेल याची कल्पना करा.  

बंगलोर साठी एक महत्वाची सूचना करु इच्छितो. आता म्हातार्‍या बैलांना गाडीला जुंपू नका, त्यांना गोठ्यात आराम करू द्या. ट्वेन्टी ट्वेन्टी सामन्याला उसळत्या रक्ताचे खेळाडू लागतात. 

मागच्या लेखात आम्ही लिहिल्याप्रमाणेच झाले. कॅलिसच्या अनुपस्थितीत रॉस टेलरला ओपनिंगला पाठवायचा सोडून बंगलोरने राहुल द्रविडला पाठवले आणि राहुल भोपळाही न फोडता डग बोलिंगरसमोर नांगी टाकून तंबूत परतला. मनिष पांडे वगळता बंगलोरचा एकही फलंदाज टिकू शकला नाही. प्रत्येक बॉलला ते विजयापासून दूर जात होते. 

या सामन्यातील एक वाईट गोष्ट म्हणजे डेल स्टेनला झालेली दुखापत. झेल पकडण्याच्या नादात तो घसरून पडला आणि पाठीला दुखापत झाली. तो गोलंदाजी करू शकला नाही. डेल स्टेनला लवकर बरे वाटो अशी प्रार्थना. असो.

चेन्नई संघाचे अभिनंदन आणि फायनलसाठी शुभेच्छा.

आपला,
(संतुष्ट) धोंडोपंत

गझल..............

|| श्री स्वामी समर्थ||
लोकहो,

आज रात्री सर्व कामे उरकून मॅच बघणार तर पावसाने मॅच घालवली. काय करावे हा विचार करताच एक हलकीफुलकी गझल सुचली.

बरेच दिवसांनी आमच्या हातून पूर्ण गझल लिहून झाली आहे. ती तुमच्या आस्वादासाठी. मजा करा. आनंदात रहा.

जग हे भरले, चैतन्याने, डोळे उघडुन, पहा जरा
दु:ख तुझे ते, ठेव बाजुला, आनंदाने, रहा जरा


वेग, भ्रमण, परिवर्तन हे तर, तीन नियम अस्तित्वाचे
नकोस साचू, डबक्यासम तू, निर्झर होउन, वहा जरा


वैशाखाचे, वणवे सरले, भेट तुझी जाहल्यावरी
धरती फुलली, प्रीत बहरली, श्रावणात या, नहा जरा


नको पाठवू , 'हाय-फाय'चे, इंग्रजीत 'मेसेज' मला
देवनागरीमध्ये लिही तू, वापरून 'बारहा' जरा 


"शुल्लक कारण, तुला 'अगस्ती', पुरते भांडण, करायला"

"माझ्यावर रागवण्याआधी, मोज एक ते, दहा जरा"

आपला,
(खुशालचेंडू) धोंडोपंत




Friday, September 24, 2010

घोळात घोळ............

॥ श्री स्वामी समर्थ॥

लोकहो,


आयसीसीच्या यंदाच्या सेमिफायनलच्या लढतीतील पहिला सामना आज चेन्नई सुपर किंग्ज विरूद्ध रॉयल चॅलेंजर्स बंगलुरू यांत होत आहे. या सामन्याच्या निमित्ताने काही विचारमंथन. 


आजच्या सेमिफायनलला दोन्ही भारतीय संघ आहेत. याचाच अर्थ जो संघ आजचा सामना हरेल तो स्पर्धेतून बाद होईल. म्हणजे फायनलला आपली एक टीम असेल. मुंबई बाहेर गेल्यामुळे या दोघांपैकी एका संघाने कप जिंकावा असे प्रत्येक भारतीयाला वाटणे स्वाभाविक आहे. आम्हालाही तसेच वाटते.


बंगलोर ने जर आजचा सामना जिंकला, तर?????


तर बंगलोर फायनलला पोहोचेल. पण फायनल जिंकण्याची कुवत बंगलोर संघात आहे असे आम्हाला स्वत:ला वाटत नाही. याचे कारण म्हणजे त्यांच्या फलंदाजीचा कणा असलेला केव्हिन पीटरसन इंग्लंडमध्ये खेळत असल्यामुळे तो ह्या संघात नाहीये. दुसरे कारण असे की जॅकस कॅलिसच्या सामन्यातील अंतर्भावाबद्दल फिटनेसमुळे प्रश्नचिन्ह आहे. राहुल द्रवीड मुंबई विरूद्ध खेळला तसा खेळ त्याला परकीय संघाविरूद्ध करता येणार नाही. मुंबई विरूद्ध झोडायला झहिर खान, हरभजन असे बकरे त्याच्यासमोर होते. त्यामुळे त्यांच्यासमोर ७१ धावा झाल्या. फायनलला बंगलोर पोहोचले तर परकीय बॉलिंग फेस करणे राहुलच्या वयामुळे त्याच्या सामर्थ्यापलिकडचे आहे हे पटले नाही तरी वास्तव आहे आणि ते स्वीकारलेच पाहिजे. 


कॅलिस जर नसेल तर काय? हा मोठा प्रश्न आहे. त्यासाठी मग रॉस टेलरला ओपनिंगला पाठवणे हा एकमेव पर्याय असू शकतो. कुंबळेने मागच्या सामन्यात डेल स्टेनला पोलार्ड साठी राखून ठेवला होता आणि सुरूवातीची षटके प्रवीणकुमार आणि विनयकुमार, असल्या इडलीचे पीठ वाटणार्‍या कानड्यांना दिली होती. ते तेव्हा ठीक होतं. फायनलला बंगलोर पोहोचले तर हे डावपेच तिथे चालणार नाहीत. तिथे या दोघांच्या पहिल्या चार षटकात पन्नास साठ धावा होतील. 


चेन्नईचा विचार केला तर फायनलला मॅथ्यू हेडन संघात असणे अत्यंत आवश्यक आहे असे आम्हाला वाटते. अनेकांना हे पटणार नाही पण हॅडन टिममध्ये असणं हा एक मोठा मानसिक आधार आहे. बॅटिंग मध्ये झोडून आणि फिल्डिंगमध्ये वाचवून तो पन्नास साठ धावांचे कॉन्ट्रिब्युशन देऊ शकतो. आता त्याला आत आणायचा तर बसवणार कोणाला हा प्रश्न आहे. कारण आयपीएलच्या मूर्ख नियमानुसार तसे करता येत नाही. खरे तर लाडावलेल्या अनिरुद्ध श्रीकांतला हाकलवून हॅडन टीममध्ये हवा होता. हस्सी फॉर्ममध्ये आहे त्यामुळे त्याला काढता येत नाही. मुथय्या मुरलीधरनला बसवणे म्हणजे स्वत:च्या पायावर धोंडा मारण्यासारखे आहे. त्यामुळे चेन्नईची एकूणच खिळखिळी असलेली गोलंदाजी अजून खिळखिळी होईल. त्यामुळे तो विचार करता येणार नाही. कारण डग बोलिंगर वगळता एकही सामना फिरविण्याची पात्रता असलेला गोलंदाज चेन्नईकडे नाही. त्यामुळे मुरली हवाच. राहता राहिला जस्टीन केम्प. त्याचा बळी देऊन हॅडन आत येऊ शकतो. पण केम्पचे बॉलिंगमधील कॉन्ट्रीब्युशनही महत्वाचे आहे. मॉरकेल ची अनुपस्थितीही फार जाणवते आहे. 


असे सर्व घोळात घोळ आहेत. 


बघूया काय होताय. कुणीही जिंको पण भारतीय संघ फायनल जिंको.


चेन्नई आणि बंगलोर या दोन्ही भारतीय संघांना आमच्या शुभेच्छा.


आपला,
(प्रेक्षक) धोंडोपंत

Thursday, September 23, 2010

जातकांचे अभिप्राय- प्रदीर्घ कालावधीनंतर नोकरीत स्थैर्य

॥ श्री स्वामी समर्थ॥


Fromराजेंद्र घाणेकर
toधोंडोपंत
date22 September 2010 20:57
subjectaabhari aahe ,,, Pant राजेंद्र घाणेकर
mailed-bygmail.com
Signed bygmail.com
hide details 20:57 (23 hours ago)
|| श्री स्वामी समर्थ  ||

पंत,

दोन ते अडीच वर्षाच्या  मेहनतीला आपण सांगितलेला तोडगा आचरणात आणल्याने शेवटी  यश आले,

आजच कंपनी कडून मेडीकॅल चेक  करून घ्या , आणि आयडी  फोटो काढण्यासाठी ई मेल आला आहे.
१ तारीखेपर्यंत बाकीच्या Procedure पार पडतील.

स्वामींच्या चरणी एकच विनंती आहे. या पुढे ही केलेल्या कामात यश मिळू देत. कंपनी वाल्यांनी जो विश्वास दाखवला आहे त्याला मी पूर्ण पणे पात्र ठरू दे . या साठी मी ही पूर्ण प्रयत्न करीन.

पुन्हा एकदा आभार , आपले मार्गदर्शन असेच माझ्या पाठीशी राहू देत. तोडगा चालूच ठेवीन. तशी पण साडेसाती चालू आहेच. 

**** ********  **** (तोडगा) आणि रात्रीचा ********* चा जप चालूच ठेवीन.
मानधनाचे कसे करायचे सांगा , तोडग्याचे मानधन घेतले नव्हते.
कि मला वाटेल तितके देऊ? तुम्ही सांगाल तसे करू.

आभार
राजेंद्र घाणेकर 


 Reply
 Forward
Reply by chat to राजेंद्र

Wednesday, September 22, 2010

रेख्ते के तुमही उस्ताद नही हो 'ग़ालिब'.... कहते है अगले ज़मानेमें कोई 'मीर' भी था....

|| श्री स्वामी समर्थ||
लोकहो,

उर्दू साहित्याचा अनभिषिक्त सम्राट मीर मुहंमद तक़ी उर्फ मीर तक़ी मीर यांना पैंगबरवासी होऊन काल दोनशे वर्षे झाली. २१ सप्टेंबर १८१० रोजी ह्या महान प्रतिभावंताचा मृत्यू झाला. त्यांना श्रद्धांजली वाहण्यासाठी हा लेख.

मीरसाहेबांइतके हृदय हेलकावणारे कारूण्य जगात कुणाच्याही काव्यात आढळणार नाही. याचे कारण असे की, त्यांच्या शेवटच्या काळात नवाबाने दिलेला राजाश्रय सोडला, तर त्यांचे संपूर्ण आयुष्य अत्यंत हलाखीत गेले. प्रचंड अवहेलनांचे ओझे जन्मभर खांद्यावर बाळगत हा माणूस जगला. पण कुठेही त्याने स्वत:च्या मूल्यांशी तडजोड केली नाही. त्यामुळे एक कडवटपणा त्यांच्या वागण्याबोलण्यात आला होता हे खरे.

अत्यंत भावस्पर्शी, हृदयद्रावक काव्य मीरसाहेबांनी ह्या जगाला दिले. माणसाच्या सुखदु:खांचं इतकं अचूक वर्णन इतक्या प्रभावी शब्दात कुणी केल्याचे आमच्यातरी पाहण्यात नाही. त्यामुळे मीरसाहेबांबद्दल आम्हांला प्रचंड आदर आहे. 


अत्यंत लहान वयात वडील गेल्यावर त्यांच्या मोठ्या सावत्र भावाने सर्व मालमत्ता गिळंकृत केली आली नऊ वर्षाच्या मीरला घराबाहेर हाकलले. मजल दरमजल करत शेवटी मीर नवाबाचे उस्ताद या पदाला पोहोचले. पण तिथेही त्यांची मानहानी थांबली नाही. मिर्ज़ा सौदा सारखे शायर भर मुशायर्‍यात आणि दरबारातही मीरचा पाणउतारा करीत. मीर त्यांच्या कडवटपणे त्यांना उत्तरे देत असतं.

अर्थात ह्याच सौदाने मीर साहेबांची महती वर्णन करणारे शेरही लिहिले आहेत.

मीर साहेबांच्या श्रेष्ठत्वाचे वर्णन करतांना मिर्झा ग़ालिब सारखा महान शायर लिहून गेला की

रेख्ते के तुमही उस्ताद नही हो 'ग़ालिब'
कहते है अगले ज़मानेमें कोई 'मीर' भी था

(अरे ग़ालिब, शायरीचा तूच कोणी मोठा उस्ताद आहेस असे तू समजू नकोस. असे म्हणतात की पूर्वीच्या म्हणजे तुझ्या आधीच्या जमान्यात कुणी मीर ही होऊन गेलाय.)

मिर्झा ग़ालिबने मीरसाहेबांना दिलेले हे 'सर्टिफिकेट' हे साहित्यातील कोणत्याही पुरस्कारापेक्षा मोठे आहे.
मीर साहेबांना आमची श्रद्धांजली.


मीर साहेबांनी स्वत:च्या शायरीचे केलेले हे यथार्थ वर्णन:-


पढते फिरेंगे इन रेख्तोंको गलियोंमें लोग ’मीर’
मुद्दत रहेंगी याद ये बाते हमारियां 

आपला,
(मीरचा दिवाना) धोंडोपंत

Monday, September 20, 2010

जिंकलो रे .... बाप्पा जिंकलो रे !!!!

|| श्री स्वामी समर्थ||
लोकहो,

आज रात्री नऊ वाजता, मुंबई इंडियन्स विरूद्ध रॉयल चॅलेंजर्स बंगलोर यांच्यात अत्यंत महत्त्वपूर्ण सामना होता. हा सामना जर मुंबई इंडियन्स हरले असते, तर ते आयसीसी स्पर्धेतून बाहेर फेकले जाणार होते. त्यामुळे मुंबईला कुठल्याही परिस्थितीत हा सामना जिंकणे भाग होते.

रात्री सव्वाआठ वाजता कन्सल्टेशन्स संपवली आणि मॅचचे वेध लागले. जसजशी मॅचची वेळ जवळ येऊ लागते, तसतसे ग्रहणाचे वेध लागावे, तसे आम्हाला मॅचचे वेध लागतात. कारण क्रिकेट हे आमच्या रक्तात भिनले आहे.

या खेळाने आम्हांला जीवनात खूप आनंद दिला आहे. कुणाला बारमध्ये जाऊन आनंद मिळतो, कुणाला तो क्लबमध्ये रम्मी खेळून मिळतो. आम्हाला जीवनात निखळ आनंद क्रिकेटच्या मैदानावर सापडला. 

सहाजिकच मॅचची वेळ जवळ येऊ लागली म्हणजे डोक्यात क्रिकेटची हवा भरते. इतर काही सुचत नाही. साधारण आठच्या सुमारास आम्हांला आजच्या मॅचचे वेध लागले. तेव्हा आम्ही मुंबई इंडियन्सना उद्देशून, त्यांचा लोगो लावून स्टेटस मेसेज लिहिला होता:-

आज हरलात ना.........  तर गांडीवर लाथा

ऑनलाईन असलेल्या अनेकांनी, " पंत, तुमचे म्हणणे बरोबर आहे" असे सांगून सहमतीही दर्शवली. तेव्हा नंबर घेऊन मुंबई जिंकेल का? हा प्रश्न पहायचे ठरवले. पण मनात नुसता विचार आला की लगेच कुंडली मांडू नये. तो विचार मनात जेव्हा घर करून राहील तेव्हा तो प्रश्न पहावा असा संकेत आहे. म्हणून गप्प बसलो.

साडेआठच्या सुमारास मॅचची नशा चढली. काहीही करून मुंबई जिंकलीच पाहिजे हा विचार दृढ होत गेला. तेव्हा म्हटलं आता कुंडली मांडू. प्रश्न होता - मुंबई इंडियन्स आजची मॅच जिंकतील का? 

आम्ही हा प्रश्न मनात दृढ करून समोर असलेले "कृष्णमूर्ती प्लॅनेटरी एफिमेरिज" हे पुस्तक उचलले. पान उलटून नंबर घेतला. नंबर आला १६.

नंबर पाहिल्यावरच म्हटले, चला काम फत्ते. मुंबई इंडियन्सच जिंकणार. कारण या नंबरात एक आहे आणि त्याच्यापुढे सहा. आम्ही मुंबई इंडियन्सचे प्रतिनिधी म्हणून हा प्रश्न विचारला आहे. अर्थात प्रथम स्थान हे स्वतःचे आणि पुढे सहा म्हणजे प्रतिस्पर्ध्यावर विजय मिळवून देणारे. त्यामुळे मुंबई इंडियन्स जिंकणार हे निश्चित झाले.

प्रश्नवेळेची म्हणजेच, आठ वाजून एकोणचाळीस मिनिटांची कुंडली काढली. ती वर दिली आहे. या १६ क्रमांकाचे नवमांश लग्न कर्क येते. प्रश्नवेळीही तोच नवमांश उदित होता. म्हणजेच नवमांश षष्ठेश गुरू येतो. 

प्रश्नवेळी गुरू वक्री आहे. पण मॅचचा निकाल लागण्यापूर्वी तो मार्गी होणार नाहीये. त्यामुळे तो मार्गीच समजावा. गुरू स्वतः व्ययात आहे आणि व्ययेश आणि भाग्येश आहे. गुरू शनीच्या उत्तराभाद्रपदा नक्षत्रात असून शनी मार्गी आहे. शनी मार्गी असून तो स्वतः षष्ठात आहे आणि दशमेश आणि लाभेश आहे. म्हणजेच मुंबई जिंकणार.

खात्री करण्यासाठी नवमांश लाभेश पाहिला. तो शुक्र आहे. शुक्र स्वतः सप्तमात असून धनेश व सप्तमेश आहे. शुक्र राहुच्या स्वाती नक्षत्रात असून राहु भाग्यात आहे. राहु पूर्वाषाढा या शुक्राच्याच नक्षत्रात आहे म्हणजे तो शुक्राची स्थाने देईल. राहु धनेत आहे म्हणजे गुरूचे प्रतिनिधित्व करेल. गुरूचे कार्येशत्व वर दिले आहे. म्हणजेच नवमांश लाभेश हा देखील सहा, दहा व अकरा या स्थानांचा बलवान कार्येश आहे.

म्हणजे...... मुंबई जिंकणारच. हे उत्तर अवघ्या मिनिटभरात मिळाले.

कुणाला मिळत असतील चार पैसे तर मिळून द्यावेत, या उद्देशाने आम्ही लगेच गुगलचा स्टेटस मेसेज बदलून खालील मेसेज लावला.

" मुंबई इंडियन्स जिंकणार. ज्यांना बेटिंग करायचे असेल त्यांनी बिनधास्त करा."

आणि केलेल्या भाकितानुसार मुंबई इंडियन्सने रॉयल चॅलेंजर्स बंगलोर वर विजय मिळवला. 

मुंबईची सुरूवात अतिशय खराब झाली होती. धावसंख्याही जिंकण्याजोगी नव्हती. राहुल द्रवीड आणि विराट कोहलीने बंगलोरसाठी धावांचा पाऊसही पाडला.पण त्याचा उपयोग रॉयल चॅलेंजर्सना झाला नाही.

लसिथ मलिंगाच्या शेवटच्या ओव्हरमध्ये विराट कोहलीने त्याला जो हाणला, ते पाहून आम्हाला दोघांनी मोबाईल करून "पंत, काय होणार हो? गेली बहुतेक मॅच हातातून." असे सांगितले. आम्ही म्हटले, " बिनधास्त रहा."   

ग्रह आपापली कामे चोखपणे करत असतात हे खरे.


आणि हो, असल्या भिकार फिल्डिंगवर मॅच जिंकायची म्हणजे ग्रहांची साथ हवीच.

आपला,
(आनंदित) धोंडोपंत



ताज्या घडामोडी:-
DURBAN: Although Mumbai registered their second victory in the tournament, the Sachin Tendulkar-led side will have to pack their bags and return home as Bangalore and Highveld Lions have a better net run rate with one match still to go.
Mumbai's prospect has also been marred by South Australia Redbacks, which has already booked their place in the last four stage from Group B with three out of three wins.
Although Mumbai have fours points, they ended their campaign with a net run rate of +0.22, while Bangalore (+0.85) and Lions (+0.72) are in a better position with still a game to go.

Saturday, September 18, 2010

जातकांचे प्रतिसाद - गृहकर्ज

॥ श्री स्वामी समर्थ॥
लोकहो,

आमचे सख्खे मावसबंधू श्री. अमोल कानिटकर यांच्या गृहकर्जाचे काम बरेच अडले होते. बॅंक काही शुल्लक आणि फालतू कारणांवरून हटून बसली होती. अगदी पेपर्स परत देण्याइतपत गोष्टी झाल्या. त्यांना सांगितले होते की कर्ज मंजूर होईल. नुकताच गुगलवर त्यांच्याशी झालेला संवाद. स्वामींच्या चरणांवर डोके ठेवले आणि त्यांचा फोन घेतला.



fromअमोल कानिटकर
todhondopant@gmail.com
date18 September 2010 11:49
subjectChat with अमोल कानिटकर
mailed-bygmail.com
hide details 11:49 (10 minutes ago)
11:49 अमोल: नमस्कार पन्त
 
me
: नमस्कार
बोला
 
अमोल: काम झाले
 
me: क्या बात है
  क्या बात है 
 
अमोल: गृहकर्ज मान्य झाले
11:50 फोन करु का
 
me: एक मिनिट थांबा
 
 me: म्हातार्‍याच्या पायावर डोकं ठेवून येतो
अमोल: ओके
11:52 me: हां करा फोन
  काम होणार बोललो होतो  
फोन करा
11:53 अमोल: ओके
 Reply
 Forward
Reply by chat to अमोल

जातकांचे प्रतिसाद - कोर्टकेसमधील यश

॥ श्री स्वामी समर्थ॥

लोकहो,

गेली २ वर्षे चाललेल्या मनीषच्या कोर्टकेसचा निकाल आम्ही सांगितल्याप्रमाणे त्याच्याबाजूने लागला आणि कोर्टाच्या आवारातूनच त्याने आम्हाला फोन करून ही बातमी दिली. आम्ही "श्री स्वामी समर्थ" म्हणालो आणि त्याचे अभिनंदन करून स्वामींच्या मठात जाऊन तोरण बांधायला त्याला सांगितले.

अष्टमस्थानाची दशा सुरू असेल तर माणूस नको त्या लफड्यात उगीच ओढला जातो. विशेषत: महादशास्वामी जर अष्टमस्थ ग्रहांच्या नक्षत्रात असेल तर ही फळे प्रकर्षाने मिळतात. साधारणत: सप्तम स्थानाच्या दशेत केस कोर्टात उभी राहते व तृतीय नवम स्थानांच्या दशेत कोर्टाचा निकाल येतो. 

अंतर्दशास्वामी सहा, अकरा भावांचा बलवान कार्येश असेल तर केसचा निकाल जातकाच्या बाजूने लागतो. सहा हे प्रतिस्पर्ध्यावर विजय मिळवून देणारे व लाभस्थान हे कुठल्याही गोष्टीत इच्छापूर्ती करणारे स्थान आहे. 

जर अंतर्दशास्वामी अष्टमस्थानाचा व व्ययस्थानाचा कार्येश असेल तर निकाल समोरच्या व्यक्तीच्या बाजूने लागतो.  अष्टमाचा संबंध आल्यास दंड होतो किंवा समोरच्या व्यक्तीला नुकसान भरपाई द्यावी लागते. हाच अंतर्दशास्वामी जर व्ययस्थानाशी संबंधीत असून त्याचा  राहु, मंगळ, शनी ह्या ग्रहांशी संबंध आल्यास बंधनयोग होतो. जेलची वारी करावी लागते.

मनीषच्या अंतर्दशास्वामीचे कार्येशत्व पाहून आम्ही या केसचा निकाल त्याच्याबाजूने लागणार हे त्याला सांगितले होते. तसेच काही तोडगेही सुचविले होते. त्याचे हे पत्र. 

अनेकजण आम्हाला नेहमी असे सांगतात की, " पंत, तुमच्याशी नुसतं दोन मिनिटे बोललं तरी बरं वाटतं, एखाद्या मानसोपचारतज्ज्ञाने एखादी गोष्ट पटवून द्यावी तसे तुमचे बोलणे पटते, तुमच्याशी बोललं की Relax वाटतं" वगैरे. 

याची कारणे दोन आहेत. एक म्हणजे पत्रिका पाहिल्यामुळे पुढे काय होणार आहे ते आम्हाला कळलेले असते. त्यामुळे जर पुढे चांगले घडणारे असेल तर ते जातकाला आधी कळल्यामुळे तो निर्धास्त असतो. जर पुढे काही चांगले नसेल तर नुकसान, हानी कमी करण्यासाठी उपाययोजना सांगून त्याचे नुकसान कमी करता येतं. हा ज्योतिषशास्त्राचा सर्वात मोठा फायदा.

दुसरी गोष्ट ही की, आम्ही जे आणि जसे बोलतो ती आम्हांला मिळालेली दैवी देणगी आहे असे आम्ही मानतो. काही गोष्टी माणूस जन्माला येतांना घेऊन येतो. "वक्ता दशसहस्रेशु।"  म्हणजे, दहा हजारात एखादाच वक्ता असतो, असे सुभाषितकारांनी म्हटले आहे. त्यात आमचे कर्तृत्व काहीही नाही. 

वक्तृत्व किंवा संवादकौशल्य शिकण्यासाठी  आम्ही Personality Development  किंवा Communications Skills च्या कुठल्याही वर्गात कधीही गेलेलो नाही. गेलो असतो तर शिव्या दिल्या नसत्या. कारण तिथे शिव्या शिकवत नाहीत :) शिव्या देणं हे असभ्यपणाचे लक्षण आहे असे तिथे शिकवतात. 

सांगायची गोष्ट काय, तर आम्ही जे बोलतो ते लोकांच्या हिताचे बोलतो. त्यामुळे शिवराळपणे बोलूनही लोक आमचे बोलणे ऐकतात कारण आम्ही सांगतो त्यात त्यांचे हित आहे हे त्यांना माहित असतं. 

आमच्या आजोबांनी आम्हांला हे शास्त्र शिकवतांना सांगितले होते की, "ह्या शास्त्राचा उपयोग तू लोकांच्या कल्याणासाठी कर. नुसतं पुस्तकी पांडित्य काही कामाचं नाही." 

म्हणजेच काय, तर हजार लोकांना नुसते शास्त्रातले ग्रहयोग सांगण्यापेक्षा, ह्या शास्त्राच्या मार्गदर्शनाने एका माणसाचे भले करावे. ते महत्वाचे.  असो.

मनीषच्या ह्या पत्राच्या निमित्ताने एक लेख लिहून झाला. आता यापुढे चार पाच दिवस काहीही लिहिले नाही तरी चालेल. :)

fromManish
toधोंडोपंत
date17 September 2010 15:42
subjectशतश: धन्यवाद
mailed-bygmail.com
Signed bygmail.com
hide details 15:42 (14 hours ago)
प्रिय धोंडोपंत,

काल फोनवर बोलल्याप्रमाणे केसचा निकाल तुम्ही सांगितल्याप्रमाणेच माझ्या बाजूने लागला. 

गेले २ वर्षे ह्या केसमुळे खूप मनस्ताप झाला, पण तुमचे मार्गदर्शन आणि तोडगे ह्यांच्यामुळे फायदा झाला.

त्याहीपेक्षा महत्वाचे म्हणजे - तुमचे बोलणे, त्यानेच माणसाला धीर येतो - एखाद्या निष्णात psychiatrist  सारखे तुम्ही समोरच्याला ओळखता आणि आश्वस्त करता. तुमच्याशी नुसते बोलले तरी खूप बरे वाटते.

तुम्ही ब्लॉगवर जरी फटकळ वाटत असला, तरी तुमच्या आपुलकीचा आणि प्रेमळपणाचा अनुभव मला आहेच. जवळचे मित्रही मदत करत नसतांना तुम्ही स्वत:हून १-२ जणांना फोन करून मला वकिल सुचवलेत, एक-दोन वेळा तोडग्यांचे पैसेही घेतले नाही - तुमची ही आपुलकी मी कधीही विसरणार नाही.

तुमचा स्नेह आणि लोभ असाच कायम रहावा हीच स्वामीचरणी प्रार्थना! पुन्हा एकदा तुम्हाला शतश: धन्यवाद! उद्याच स्वामींना तोरण वाहून येईन. 

आपला स्नेहांकित,
- मनिष
 Reply
 Forward
मनीश is not available to chat

Wednesday, September 15, 2010

लालबागचा राजा २०१०

॥ श्री स्वामी समर्थ॥

लोकहो,

हा आपल्या सर्वांचा आवडता "लालबागचा राजा २०१०"

फोटोवर टिचकी मारल्यावर तो मोठ्या स्वरूपात उघडेल आणि संगणकावर जतन करता येईल.

॥गणपतीबाप्पा मोरया॥


आपला,
(गणेशभक्त) धोंडोपंत

पराभवाची कारणमीमांसा....

|| श्री स्वामी समर्थ||
लोकहो,

आज झालेल्या आयसीसी टी २० मालिकेच्या मुंबई इंडियन्स विरूद्ध साऊथ ऑस्ट्रेलियन्स रेडबॅक्स या संघांमधील सामन्यात मुंबई इंडियन्सने जो खेळ केला तो खरतरं इतका लाजिरवाणा होता की, रणजी सामन्यातील खेळाचा दर्जा याहून चांगला असेल. आजच्या मुंबई इंडियन्सच्या प्रदर्शनाने समस्त मुंबई इंडियन्सचे चाहते व्यथित झाले असतील, याबद्दल काही शंका नाही. आम्हीही व्यथित अंतःकरणाने हा लेख लिहीत आहोत.

सर्वप्रथम रेडबॅक्स संघाचे अभिनंदन. त्यांच्याकडे डाव जिंकण्याची निश्चित योजना होती. They had a definite strategy to follow. त्या योजनेनुसार त्यांनी खेळ केला आणि ते जिंकले. 

पहिल्या दहा षटकांपर्यंत विकेट्स जपायच्या, आणि दहा षटकांनंतर मुंबईच्या गोलंदाजीवर तुटून पडायचे, असे त्यांनी ठरवले होते. त्यानुसार त्यांनी पहिल्या दहा षटकात केवळ ६९ धावा केल्या. पण एकही विकेट गमावली नाही. बरोब्बर ११ व्या ओव्हरला त्यांनी फटकेबाजीला सुरूवात केली आणि सामना जिंकला.

मुंबई इंडियन्स संघाकडे अशा स्वरूपाची कुठलीही योजना असावी, असे त्यांच्या खेळात दिसले नाही. पाट्या टाकल्यासारखा खेळ त्यांनी केला.

मुंबई इंडियन्स जर असेच खेळत राहिले तर त्यांचे काय होईल? या प्रश्नाचे उत्तर द्यायला प्रश्नकुंडली मांडण्याची गरज नाही.

मुंबई इंडियन्सच्या या सामन्यातील पराभवाचे विश्लेषण करतांना, आम्हांला जे मुद्दे प्रकर्षाने जाणवले, ते असे:-

१) अत्यंत ढिसाळ क्षेत्ररक्षण. त्यांच्या क्षेत्ररक्षणाला काही दर्जाच नव्हता. सचिन, डुमिनी, भय्या ( सौरभ तिवारी), रायडू, हरभजन यांच्या क्षेत्ररक्षणापेक्षा गल्लीत खेळल्या गेलेल्या क्रिकेटमधील क्षेत्ररक्षण उजवे असेल. या सर्वांनी झेल सोडले. चेंडू अडवतांना बेफिकीरी दाखवली, त्यामुळे भरमसाठ धावा दिल्या गेल्या. सचिनने तर चौकार अडवतांना चेंडूला पाय लावून चेंडू अडविण्याचा जो अयशस्वी प्रयत्न केला, तो पाहून ढिसाळ क्षेत्ररक्षणासाठी 'मान्यता'  पावलेल्या संदीप पाटीलची आठवण आली. 


मुंबई संघाचे थ्रो अतिशय खराब होते. थ्रो ला नीट फॉलोअप नव्हता. त्यामुळे ओव्हर थ्रो च्या धावा मोजाव्या लागल्या. आंतरराष्ट्रीय दर्जाचे क्षेत्ररक्षण मुंबई इंडियन्स कडून कुठेही दिसले नाही.

२) ढिसाळ फलंदाजी - टी २० सामन्याची वैशिष्ट्ये मुंबई संघाची तथाकथित धोरणे राबवणार्‍यांना अजून नीट कळलेली नाहीत, असे खेदाने म्हणावे लागते. गेल्या आयपीएलच्या वेळीही आम्ही या मुद्द्यावर भाष्य केले होते. आज नाणेफेक जिंकून प्रथम फलंदाजी घेण्यामागचे तत्वज्ञान काय होते? हे आकलनाच्या पलिकडचे आहे. 

तसेच शिखर धवन सारख्या लिंबूटिंबूला ओपनिंगला पाठवणे ही फार मोठी चूक ते कायम करत आहेत. शिखर धवनच्या खेळाला आंतरराष्ट्रीय दर्जा नाही. पहिल्या दोन विकेट लवकर पडल्या की पुढे सर्वांवर दडपण येतं, हा मुद्दा ते का लक्षात घेत नाहीत, हे ते स्वतः आणि ब्रह्मदेव जाणे. 


एकतर मुंबईकडे चेन्नई, बंगलोर सारखी बॅटिंग ऑर्डर नाही. वर सचिन आणि खाली पोलॉर्ड हे दोन सोडले तर मधले सर्व बेभरवशाचे शिलेदार आहेत. अशा वेळेस ओपनिंगला पर्याय शोधावा लागेल. भय्या (सौरभ तिवारी) ओपनिंगला आला तर काहीतरी परिस्थिती सुधारेल. शिखर धवन ओपनिंग म्हणजे कल्पना सहन होत नाही हो! ते अंडर नाईन्टीन ला ठीक आहे. तिथले पराक्रम आणि पुण्याई, इथे उपयोगी नाही पडत.

फलंदाजीत सुरवातीस पटापट विकेट मुंबईने गमावल्या. त्यामुळे सहाजिक दडपण वाढत होतं. अशा वेळेस पोलॉर्डला वर पाठवले असते तर "धावा वाढविण्यासाठी केलेली बुद्धीमान खेळी" असे त्याचे वर्णन आम्ही केले असते. पण तसे झाले नाही. भय्या आणि पोलॉर्डमुळेच १८० हा धावसंख्येचा आकडा दिसला आहे.

३) अत्यंत खराब गोलंदाजी - याबद्दल लिहावे आणि डोके आपटावे तेवढे थोडेच आहे. लसिथ मलिंगा वगळता एकाही गोलंदाजाने चांगली गोलंदाजी केली नाही. जहीरखान आणि हरभजनला शेवटच्या दोन ओव्हर्स टाकायला देणे, ही फार मोठी चूक ह्या संघाने केली. त्या ऐवजी लसिथ मलिंगाला ठेवायला हवा होता. किमान एका बाजूने तरी धावांची गती रोखता आली असती. 

झहीरखानला देशाबाहेर धुणं धुवावं तसा धुतात, हे माहित असूनही त्याला १९ वी ओव्हर टाकायला का दिली? याचे संयुक्तिक उत्तर कोणीही देऊ शकणार नाही. जहीरच्या त्या ओव्हरमुळे संपूर्ण सामना फिरला. नंतर सरदारजीच्या हातात सचिनने चेंडू देऊन रेडबॅक्सचा विजय निश्चित केला.

गोलंदाजी करतांना मलिंगा वगळून कुणीही बुद्धीचा वापर करून गोलंदाजी केली नाही. लसिथ मलिंगाचे मात्र, वेग, दिशा आणि टप्पा यावर संपूर्ण नियंत्रण होते. त्याने चार षटकात केवळ २२ धावा देऊन २ विकेट्स घेतल्या.

बाकीचे लोक जहीर, हरभजन, ब्रॅव्हो, अली मुर्तझा, पोलॉर्ड यांनी गोलंदाजीत कुठलाही सेन्स वापरला नाही. जेव्हा रेडबॅक्सचे फलंदाज फटकेबाजी करायला लागले होते तेव्हा हे लोक चेंडूला फ्लाईट देत होते, फुलटॉस, शॉर्टपीच चेंडू टाकत होते. 


खरे तर तेव्हा  यॉर्कर टाकायची गरज होती. जेणेकरून चेंडू फलंदाजाच्या पायाच्या बुंध्यात जाऊन पडेल आणि त्यामुळे उंच फटके मारता येणार नाहीत. एवढा कॉमनसेन्सही ह्या लोकांनी वापरला नाही. त्यांच्या फ्लाईटेड डिलिव्हरीज पाहून जीव तुटायचा.

४) या सामन्याने सिद्ध केलेली अजून एक गोष्ट म्हणजे,  शॉन टॅएट ची बॉलिंग कुणालाही खेळता येत नाही.


त्याचा वेग, त्याचा टप्पा हा सर्वोत्तम आहे. त्याच्या गोलंदाजीवर फक्त एका उसळणार्‍या चेंडूवर एक षटकार पोलॉर्डने मारला. पण त्यानंतर त्याने लगेच ती चूक सुधारली आणि पुन्हा बाऊन्सर टाकला नाही. तर यॉर्कर टाकण्यावर त्याचा भर होता. त्यामुळे धावा रोखून धरण्यात त्याला यश आले.

एकूण आजचा जो खेळ मुंबई संघाने केला, तो पाहून वेळेचा अपव्यय झाल्याची भावना मनात आली. त्या खेळात कुठलेही तंत्र नव्हते, जिंकण्याचा मंत्र नव्हता. बिनडोकपणाने केलेली ती निव्वळ दमछाक होती.

आणि, "क्रिकेट हा केवळ हाताने नव्हे, तर डोक्याने खेळायचा खेळ आहे" असे म्हणतात.

आपला,
(तीक्ष्णबुद्धि) धोंडोपंत