धोंडोपंत उवाच

ज्योतिषतत्वांची अनुभूती

2012-01-27T10:54:00.004+05:30

|| श्री स्वामी समर्थ||

लोकहो,

गेले दोन आठवडे कार्यबाहुल्ल्यामुळे ब्लॉगावर काही लेखन झाले नाही. नेहमीप्रमाणे अनेक जातकांचे आणि वाचकांचे फोन, ईमेल, गुगल निरोपकावर आणि फेसबुकावर निरोप आले की लिहा, लिहा. त्यात अनेक लोक असे आहेत, ज्यांनी ब्लॉगाच्या एकाही लेखाला आयुष्यात एकदाही अभिप्राय दिलेला नाही. पण लेखनाचा आग्रह मात्र हक्काने करतात. म्हणजे अभिप्राय नाही द्यायचा आणि लिहा, लिहा, लिहा, लिहा करायचं. ही कमाल म्हणायची. असो.

आज सुरू करत असलेली लेखमाला ही वैशिष्ट्यपूर्ण आहे. अशा स्वरूपाचे अनुभव ज्योतिषवाङ्मयात कोणी नमूद केल्याचे आमच्या वाचनात नाही. प्राचीन काळी ऋषिमुनींनी ग्रहांची अनेक अद्भुत फळे दिलेली आहेत. अतीशहाण्यांना वरवर पाहता त्यात फोलपणाही दिसत असेल, पण ही ज्योतिषतत्वे ऋषिंनी किती विचारपूर्वक दिली आहेत, आणि ती देतांना तर्कशास्त्राचा किती उत्तम उपयोग केला आहे, हे पाहिल्यास आनंदाने थक्क व्हायला होतं.

एखादे ज्योतिषसूत्र अभ्यासतांना त्याच्या कारणमीमांसेचा शोध घेण्याची सवय आपल्या अंगी असावे लागते. " हॅऽऽऽ यात काय?" असे म्हणणार्‍यांना त्यातील ज्ञानाची अनुभूती आयुष्यात येणार नाही. ज्योतिषशास्त्र हे युनिव्हर्सल म्हणजे विश्वव्यापी आहे. त्याची अनुभूती जळी, स्थळी, काष्टी, पाषाणी येणारच. फक्त ती समजण्यासाठी नव्हे, समजून घेण्यासाठी पूर्वग्रहरहित आणि व्यासंगी दृष्टीकोण पाहिजे. तेवढी प्रगल्भता असेल तरच हे समजेल.

ऋषिमुनींनी ग्रहांची जी स्थानगत आणि भावेशगत फळे दिलेली आहेत, हा ज्योतिषशास्त्राचा प्रांत आमच्यासाठी फारच लोभसवाणा आहे. यात काय मजा आहे, ती नुसते सबलॉर्ड काढणार्‍यांना नाही कळणार.

प्रत्येक माणूस हा एक नमुना आहे. आणि त्या नमुन्याचे विविध पैलू, त्याच्या व्यक्तीमत्वाचे विशेष गुण व अवगुण, त्याच्या सवयी, त्याच्या लकबी, त्याची विचारसरणी, त्याच्या प्रतिक्रियेची पद्धत, त्याचा दृष्टिकोण, त्याच्या आवडीनिवडी या त्याला लाभलेल्या ग्रहांच्या स्थितीनुसार ठरत असतात.

त्यामुळे स्थानगत फळे, भावेशगत फळे अभ्यासणे, ग्रहांचे आणि राशींचे कारकत्व अभ्यासणे, त्यावर चिंतन करणे आणि त्याचा प्रत्यय त्याच्या पत्रिकेशी ताडून बघून घेणे, हा आत्यंतिक आनंददायी छंद आहे.

त्या ज्योतिषसूत्रांबद्दल पुढील काही लेखात विचार होईलच.

धन्यवाद आणि शुभेच्छा.
धोंडोपंत

ग्रहयोग - मंगळ प्रतियोग वक्री हर्षल

2012-01-11T19:12:00.001+05:30

|| श्री स्वामी समर्थ||

लोकहो,

ग्रहयोग कसे धडधडीत फळे देतात ते काही कुंडल्यांवरून दाखवणार आहोत.

ही कुंडली आहे एका अठ्ठावीस वर्षे वयाच्या मुलाची.

या कुंडलीत द्वितीय स्थान पूर्णपणे बिघडले आहे. द्वितीयात चंद्र ज्येष्ठा नक्षत्रात हर्षलयुक्त आहे. हर्षल वक्री आहे. द्वितीयेश मंगळ अष्टमस्थानात गेला आहे. नुसता तिथे गेलेला नाही तर त्याचा द्वितीयातील वक्री हर्षलशी अंशात्मक प्रतियोग आहे. मंगळ हर्षल प्रतियोग हा आगीशी, रसायनांशी संबंधीत स्फोटक घटना दाखवतो.

चंद्राचा द्वितीयेश गुरू आहे. तोसुद्धा धनस्थानात म्हणजे स्वतःच्या स्थानापासून बारावा आहे. हा गुरु वक्री हर्षलच्या पूर्ण अंशात्मक युतीत तसेच मंगळाच्या अंशात्मक प्रतियोगात आहे. चंद्राच्या द्वितीयातही केतू नेपच्यून हे पापग्रह युतीत आहेत.

सर्वात कहर म्हणजे या कुंडलीचा नवमांश द्वितीयेशही मंगळ आहे.

हा मुलगा अठरा वर्षाचा असतांना याचा उजवा डोळा फटाका डोळ्यात जाऊन गेला आहे.

अपघाताच्या वेळेस केतु महादशा सुरू होती. केतू मूळ नक्षत्रात.

अशी रोकडी प्रचिती पाहिल्यावर या शास्त्राची महती पटते.

आपला,
(अचंबित) धोंडोपंत

माझ्या पदरात पडलयं खुळं.....

2012-01-10T19:53:00.005+05:30

|| श्री स्वामी समर्थ||

लोकहो,

कुंडलीतील ग्रहयोगावरून व्यक्तीच्या स्वभावाचा अचूक बोध होतो. पत्रिकेतले ग्रहयोग हे जातकाचं व्यक्तिमत्व सांगत असतात. ते वाचण्याची आणि समजण्याची बुद्धी ज्योतिर्विदाकडे असणे अत्यंत आवश्यक आहे.

एक गृहस्थ सोबतची कुंडली दाखवायला आले. कुंडलीवर नजर टाकल्यावर आम्ही त्यांना विचारले की, "कुणाची कुंडली आहे ही?"

ते म्हणाले, " माझ्या बायकोची."

आम्ही त्यांना म्हटलं, " मानलं तुम्हांला बुवा. अशा विक्षिप्त बाईबरोबर इतकी वर्षे संसार केलात म्हणजे खरतर तुम्हांला सर्वोच्च नागरी बहुमान द्यायला पाहिजे."

खाली ती कुंडली दिली आहे. गोपनीयतेच्या कारणास्तव नाव जन्मतपशील दिलेले नाहीत. कुंडलीतील हर्षल, शनी, गुरूच्या स्थितीवरून कुंडली १९५६ सालची आहे, हे या शास्त्राचा अभ्यास केलेला समजू शकेल.

ज्या ज्या कुंडल्यात चंद्राचे हर्षल, मंगळाशी प्रथम दर्जाचे कुयोग असतात, तसेच बुध, शुक्र रवी बिघडलेले असतात, त्या व्यक्ती मानसिक दृष्टीने अत्यंत लहरी आणि विक्षिप्त असतात.

स्वभाव प्रचंड तापट असतो, वृत्ती तामसी असते, कधी काय बिघडेल याचा नेम नाही. संतापावर ताबा मिळवता येत नाही. राग आल्यावर तोडफोड करण्यापर्यंत मजल जाते. या योगावर शनी,राहु,नेपच्यून यापैकी ग्रहांचा कुयोग असेल तर मानसिक विकृती असते. मॅनिया, सिझोफ्रेनिया असे मानसिक विकार असतात. शनीचा संबंध आल्यास सिव्हीयर डिप्रेशनमध्ये जातात.

वरील पत्रिकेत चंद्र दशमात कर्केत हर्षलच्या युतीत आहे. तसेच तो चतुर्थातील मकरेच्या मंगळाच्या प्रतियोगात आहे. मंगळ हर्षलही प्रतियोग आहे. या सर्व योगांमुळे या बाईंचा स्वभाव फारच तापट आणि विक्षिप्त आहे. मकरेचा मंगळ म्हणजे तापता निखारा असतो. आम्ही नेहमी म्हणतो की, या लोकांच्या डोक्यावर लोणी ठेवलं तर ते ही वितळेल.

परिस्थिती एवढ्यावर थांबत नाही. लग्नेश शुक्र अष्टमात केतुच्या युतीत आला आहे. हा मोठा कुयोग आहे. या बाईंच्या अंगात वगैरे येतं होतं का? असं त्यांच्या यजमानांना विचारल्यावर, त्यांनी "क्या बात है पंत" म्हणून सहमती दर्शवली. काही वर्षांपूर्वी यांच्या शुक्रवारी अंगात यायचं. घराबाहेर चपलांचा ढीग जमायचा एवढे लोक यांच्या दर्शनाला यायचे. पुढे सायकिएट्रिक ट्रीटमेंट दिल्यावर ते बंद झालं.

यांच्या विक्षिप्तपणाचा अनुभव त्यांच्या यजमानांनी सांगितला. तो असा की, एकदा या बाईंनी घरात पावभाजी केली होती. भाजीत मीठ थोडं जास्त झालाय असं यांच्या यजमानांनी सांगितल्यावर, या बाईंनी अख्खं पातेलं बीनमध्ये उलटं केलं. भांड्यांची आदळआपट करून अनेक भांड्यांना आणि डब्यांना पोचे आल्याचेही या गृहस्थांनी सांगितले.

मेषेचा रवी आणि बुध. रवि दृष्टीअधिष्ठित केंद्रयोग मकरेचा मंगळ. सिव्हियर मायग्रेनचा त्रास.

लग्नभावाच्या आरंभी नेपच्यून. अत्यंत लहरी स्वभाव. उत्तम काव्यलेखन.

चतुर्थेश शनी राहु युक्त धनात. चंद्राचा चतुर्थेश शुक्र स्वस्थानापासून अष्टमात केतुयुक्त. चतुर्थातल्या मंगळाचा नेपच्यूनशी केंद्रयोग. मंगळ स्वतः कुटुंबेश. या बाईंच्या आईंना अग्निपासून काही त्रास झाला होता का? असे विचारले. या बाईंच्या आई स्वयंपाक करतांना भाजल्या होत्या, हे उत्तर.

कुंडली काय काय सांगत असते, याची ही एक झलक.

आपला,
(विचक्षण) धोंडोपंत

पत्रिका जुळवितांना हे पाहिलं पाहिजे.....

2012-01-08T08:26:00.000+05:30

|| श्री स्वामी समर्थ||

लोकहो,

काल राहुल एका मुलीची पत्रिका पत्रिकामेलनासाठी घेऊन आला. पारंपारिक दृष्टीने गुण वगैरे जमत होते. पण तरीही आम्ही त्याला " हिच्याशी विवाह करू नकोस" असे सांगितले. तसे आम्ही का सांगतोय याची कारणमीमांसा त्याला सांगितली. तशी प्रत्येकालाच सांगतो.

विवाहासाठी जे पारंपारिक पद्धतीने गुणमेलन केले जाते, त्याला काही अर्थ नाही, हे आम्ही अनेकदा या ब्लॉगावर लिहिले आहे, ते तुम्ही वाचलेही असेल. त्याचे कारण असे की, पारंपारिक गुणमेलन हे केवळ नक्षत्रावर आधारीत आहे. त्यात कुठेही वधुवराच्या पत्रिकांचा, त्यातील ग्रहयोगांचा, महादशांचा विचार नाही. त्यामुळे ते अपुरे आहे.

समजा, एखादा मुलगा तूळ रास विशाखा नक्षत्राचा असेल आणि वधु तूळ रास चित्रा नक्षत्राची असेल, तर त्यांचे साडेचौतीस गुण जमतात. छत्तीसपैकी साडेचौतीस गुण म्हणजे आनंदीआनंद म्हणायचा का? असं म्हणता येईल का, या मुलाने तूळ रास चित्रा नक्षत्राच्या कुठल्याही मुलीशी विवाह केला तरी त्याचा संसार सुखाचा होईल? असे कदापि होणार नाही कारण मुळात वधूच्या पत्रिकेत वैवाहिक सौख्य कितपत आहे, त्यावर त्याचे वैवाहिक जीवन अवलंबून असेल.

जर त्या वधूला सहा, बारा आणि आठ या स्थानांच्या महादशा सुरू असतील, तर साडेचौतीस गुण जमूनही वैवाहिक सौख्याच्या बाबतीत निराशाच पदरी येईल.

त्यामुळे नुसत्या गुणांवर न जाता, समोरच्या व्यक्तिच्या पत्रिकेचा सखोल अभ्यास करूनच विवाह जमविले पाहिजेत. म्हणजेच सखोल पत्रिकामेलन केले पाहिजे. नुसते पंचागातल्या कोष्टकातले गुण पाहून काही उपयोग नाही.

काही लोक म्हणतात, "अहो विवाहाच्या आधी पत्रिका पाहिली होती मग घटस्फोट कसा झाला?" त्यावेळेस ते लोक वर लिहिलेला मुद्दा विसरतात. पत्रिका नुसत्या गुण पाहून कुठल्यातरी ज्योतिषाने जमविलेल्या असतात. त्या पत्रिकेच्या अंतरंगात कधी डोकावून पाहिलेलं नसतं. असो.

राहुल जी पत्रिका घेऊन आला, ती खाली दिली आहे. गोपनीयतेच्या कारणास्तव नाव, जन्मतपशील दिलेले नाहीत. शास्त्र समजण्यापुरती कुंडली दिली आहे.

या कुंडलीला सध्या राहुची महादशा सुरू आहे. राहु विवाहाच्या स्थानांचा चांगला कार्येश आहे. राहु स्वतः लाभात आहे. रविच्या नक्षत्रात आहे. रवि कुटुंबस्थानात आणि कुटुंबेश. राहु शुक्राच्या राशीत, शुक्र स्वतः तृतीयात असून चतुर्थेश आणि लाभेश आहे. राहु लाभेश शुक्राच्याच उपनक्षत्रात आहे. राहु दशा मे २०१८ पर्यंत आहे. या काळात हिचा विवाह होईल. राहु वैवाहिक सौख्य बिघडवणार्‍या ६/८/१२ या स्थानांचा कार्येश नाही.

त्यामुळे मे २०१८ पर्यंत हिला उत्तम वैवाहिक सौख्य लाभेल.

मग विवाह करू नकोस असे का सांगितले?

जरा राहुच्या पुढचा महादशास्वामी बघा. मे २०१८ ला या कुंडलीला गुरूची महादशा सुरू होईल. गुरू स्वतः षष्ठात ठाण मांडून बसला आहे. गुरू स्वतः षष्ठेश आहे. त्यामुळे वैवाहिक सौख्य बिघडेल. ठीक आहे. पण गुरू शनिच्या माध्यमातून सप्तमस्थानाचाही कार्येश आहे ना? म्हणजे भांडत भांडत का होईना संसार होईल.
षष्ठ स्थानाचे कार्येश ग्रह कोण आहेत ते काढा म्हणजे यातली गोम समजेल.

गुरू षष्ठात आहे. षष्ठेश आहे. षष्ठात गुरू व्यतिरिक्त कुठलाही ग्रह नाही. गुरूच्या नक्षत्रात कुठलाही ग्रह नाही. त्यामुळे गुरू हा षष्ठस्थानाचा एकमेव बलवान कार्येश आहे. जेव्हा महादशास्वामी कुठल्याही स्थानाच्या मागच्या स्थानाचा एकमेव बलवान कार्येश असतो तेव्हा तो त्याच्या महादशेत त्याच्या पुढच्या स्थानाचे सुख देत नाही.

महादशास्वामी गुरू सर्वात बलवान फळे षष्ठस्थानाची देईल जे वैवाहिक सौख्याला तीव्र विरोधी स्थान आहे. आता सांगा, सहा वर्षाच्या संसारासाठी हिच्याशी विवाह करावा का?

पत्रिका जुळवितांना नीट चिकित्सा करून निर्णय दिला पाहिजे. नुसते गुण जमतात म्हणून काहीबाही सांगू नये. लोकांच्या आयुष्याशी खेळू नये.

या पत्रिकेत इतरही दोष आहेत. पंचमात मंगळ- हर्षल, मंगळ-केतु या युत्या संततीसौख्याला घातक आहेत. मूल होऊन जाण्याचा हा योग आहे. संततीचा कारक गुरू वक्री, तो ही वक्री नेपच्यूनच्या युतीत षष्ठात. तो नुसता वक्री आणि षष्ठात नाही तर तो मूळ नक्षत्रात आहे. संततीसौख्याच्या दृष्टीनेसुद्धा ही पत्रिका खूप बिघडली आहे. तसेच कन्येचा शुक्र वक्री नेपच्यूनच्या केंद्रयोगात वगैरे. असो.

काय सांगू त्याला? कर लग्न हिच्याशी आणि आय घालून घे ?

आपला,
(सूक्ष्मदर्शी) धोंडोपंत

बोललो ते काही। तुमचिया हिता ॥

2012-01-07T12:56:00.002+05:30

॥ श्री स्वामी समर्थ॥

लोकहो,

तुमच्या आवडत्या " धोंडोपंत उवाच" ब्लॉगाची वाचनसंख्या सहा लाखांवर जाऊन पोहोचली. त्याबद्दल तुम्हां सर्वांना धन्यवाद. असाच लोभ असू द्यावा ही विनंती.

ज्योतिषशास्त्राबद्दल असलेले गैरसमज दूर व्हावेत आणि या शास्त्राची महती समाजाला पटावी म्हणून चार वर्षांपूर्वी हा ब्लॉग सुरु केला. ज्योतिष या एकमेव विषयाला वाहिलेला ब्लॉग, त्यातही एका प्रादेशिक भाषेतला ब्लॉग एवढा लोकप्रिय होऊन, वाचकांच्या हृदयसिंहासनावर विराजमान व्हावा, यामागे आमचे कर्तृत्व काही नसून ही परमेश्वराची इच्छा आहे अशी आमची धारणा आहे.

या ब्लॉगमुळे जगभरात विखुरलेले हजारो लोक आमच्या संपर्कात आले, त्यांच्या समस्यांचे निराकरण आम्ही स्वामीकृपेने करू शकलो, ही आमच्यासाठी फारच आनंददायी घटना आहे. अनेकांना अकल्पित फळे मिळाली कारण आम्ही जे काही बोललो/बोलतो/बोलू ते केवळ शास्त्राच्या आधारे आणि सद्गुरूंवर निष्ठा ठेवून बोललो आहोत. हा सद्गुरूकृपेचा परिपाक आहे.

शास्त्राधार नसलेल्या गोष्टी वैयक्तिक स्वार्थासाठी कधी कुणाला सांगितल्या नाहीत. त्यामुळे ही गोमटी फळे येण्यामागे, प्रामाणिकपणा हे खत आहे.

स्वभाव मुळातच फटकळ असल्यामुळे काही लोकांना आमचे बोलणे लागले असण्याची शक्यता आहे. त्यापैकी बहुतेकांनी आम्ही जसे आहोत, तसे आम्हांला स्वीकारले आहे. काही जणांनी मनात अढी धरली. पण शेवटी समस्या आल्यावर पुन्हा आमच्याच गोठ्याची वाट पकडली. काही जण आमच्या फटकळपणामुळे वैर धरून दुरावले. जे दुरावले त्यांना गोंजारायला आम्ही कधी गेलो नाही. कारण

"बोललो ते काही। तुमचिया हिता॥ "

हीच आमची भूमिका होती आणि आहे, हे त्यांनी लक्षात घ्यावे.

जो अप्रिय पण हिताच्या गोष्टी सांगतो, तो खरा मार्गदर्शक, तो खरा हितचिंतक.

तसेच आम्ही जगात कधीही मुखवटे धारण करून वावरलो नाही. त्यामुळे लेखनात आम्ही जी भाषा दैनंदिन जीवनात वापरतो, तीच आलेली आहे. हे सुद्धा प्रामाणिकपणाला अनुसरूनच आहे. त्यामुळे शिव्या, अपशब्द याकडे दुर्लक्ष करून लोकांनी आम्हांला स्वीकारलेले आहे. जनतेचे न्यायालय हे अंतिम न्यायालय असते. तुमच्या यशापयशाचा, चांगुलपणाचा, कर्तृत्वाचा फैसला ही जनताच करत असते.

आणि जनतेने तिचा कौल आमच्याबाजूने दिला आहे, असे म्हणण्याची आजची परिस्थिती आहे. अन्यथा आमच्यासारख्या सामान्य माणसाचे जगभरात एवढे कौतुक होण्याचे काही कारण नाही.

त्यामुळे, जोपर्यंत आम्ही आमचे काम आमच्या पद्धतीने करतोय, तोपर्यंत "कार्य सिद्धिस नेण्यास श्री समर्थ आहेत" हे नक्की.

अधिक काय लिहिणे? असाच लोभ असू द्यावा, ही विनंती.

लेखनसीमा.

आपला,
(कृतकृत्य) धोंडोपंत

दशास्वामीने घर दिले म्हणजे प्रमोशनही देईल असे नाही....

2012-01-05T00:29:00.001+05:30

|| श्री स्वामी समर्थ||

लोकहो,

आजचा लेख एका वेगळा विषयावर आहे. यात दशाफळाचा विचार आहे. हा लेख नीट वाचा. समजून घ्या. म्हणजे तुम्ही चुकीचे ग्रह करून घेणार नाही.

माणसाच्या आयुष्यात घटना घडतात त्या त्याला लाभलेल्या ग्रहस्थितीनुसार. ज्योतिष सांगणे म्हणजे कुठल्या गोष्टी कुठल्या कालखंडात घडणार आहेत त्याचा ऍनॅलिसिस करणे. तसेच जातकाला कुठली सुखे आयुष्यात मिळणार आहेत आणि कुठली मिळणार नाहीत याचा अंदाज घेणे म्हणजे भविष्यकथन करणे.

जेव्हा एखादी दशा सुरू होते, तेव्हा तो दशास्वामी ज्या स्थानांचा कार्येश असतो, त्याच बाबतीत त्या दशेत घटना घडते. ज्या स्थानांचा तो दशास्वामी कार्येश नसतो, त्या बाबतीत कुठलीही फळे त्या कालखंडात मिळत नाहीत. तसेच जर तो दशास्वामी घटना घडविणार्‍या स्थानांबरोबर, घटनेला विरोध करणार्‍या स्थानांचा जर बलवान कार्येश असेल, तर ती घटना घडता घडता फिस्कटते, त्यातून कुठलेही सुख त्या व्यक्तीला मिळत नाही.

वरचा मजकूर नीट समजेपर्यंत पुन्हा पुन्हा वाचा.

समजा एखाद्याला घर घ्यायचे आहे. तर जो दशास्वामी घरासाठी आवश्यक असलेल्या ४/११/१२ या स्थानांचा चांगला कार्येश असेल त्या कालखंडात त्याचे घर होईल. जर तो दशास्वामी वरीलपैकी एकाही स्थानाचा कार्येश नसेल, तर त्याने कितीही प्रयत्न केले तरी त्या दशेत घर होणार नाही.

प्रमोशनसाठी जो दशास्वामी दशमस्थानाचा बलवान कार्येश असेल आणि तो रवी, गुरू, मंगळ यांच्याशी संबंधित असेल तरच त्या दशेत प्रमोशन मिळेल.

काहीवेळा तो दशास्वामी घटना घडविणार्‍या भावांबरोबर घटनेला विरोध करणार्‍या भावांचाही कार्येश होतो. अशा वेळेस घटना घडतेय असं वाटतं, पण अचानक त्याला वाईट कलाटणी मिळते. दशास्वामी पंचमभावाचा कार्येश असेल आणि त्याबरोबर चार, आठ या भावांचा बलवान कार्येश असेल, तर त्या दशेत पंचमभावाचे संततीचे फळ तो देईल म्हणजे गर्भधारणा होईल पण तो संततीला विरोध करणार्‍या चतुर्थस्थानाचा बलवान कार्येश असेल, तर दिवस जातील पण संतती टिकणार नाही. गर्भपात होईल.

नुकतीच एक कटु घटना घडली. अमेरिकेत एक बाई आहेत. त्यांना घर घ्यायचे होते. त्यांच्या यजमानांचा दशास्वामी ४/११ या स्थानाचा बलवान कार्येश आहे. त्यामुळे या दशेत घर होणार हे नक्की. त्यांनी घर पहायला सुरूवात केली. तीन चार घरांची आम्ही प्रश्नकुंडली मांडली. त्यात सर्वात उत्तम कुंडली जी होती ते घर त्यांना घ्यायला सांगितले.

त्यांनी ते घर या आठवड्यात घेतले. तिथे सामान हलवले. आणि त्यांच्या यजमानांचे प्रमोशन होणार होतं, ते होणार नसल्याचं त्यांना कळलं. हे कळल्यावर नुकतेच काही वेळापूर्वी त्यांनी आम्हाला पिंग केले आणि विचारले की, " घर लाभणार होतं, तर यजमानांचं प्रमोशन का नाही झालं?" त्यांच्या बोलण्याचा टोन इतका खटकला की आम्ही लगेच त्यावर लेख लिहायचे ठरवले. जेणेकरून वाचकांच्या मनात कधी असा प्रश्न आला तर त्यांना त्यामागच्या कारणमीमांसेचे आकलन होईल.

घर आणि प्रमोशन या दोन्ही भिन्न गोष्टी आहेत. त्यासाठी लागणारी मुख्य स्थाने वेगळी आहेत. घर लाभदायक आहे, म्हणजे प्रमोशनही होईल, विवाहही होईल, संततीही होईल, राजकारणात यश मिळेल, व्यापार व्यवसाय धावायला लागेल असे नव्हे. यापैकी जे जे दशास्वामी देतो आहे तेवढेच होईल.

सुखी माणसाचा सदरा असतो, तसे सुखी माणसाचे घर असले म्हणजे जीवनात सर्व मनासारखेच होईल असे नव्हे.

त्यांच्या यजमानांना चालू असलेला दशास्वामी खालीलप्रमाणे कार्येश आहे.

त्यांच्या यजमानांना सध्या राहुची अंतर्दशा दिनांक ०६/११/२०१० ते २५/०५/२०१३ पर्यंत सुरू आहे. दशास्वामी राहू खालीलप्रमाणे कार्येश होतो.

राहु - ११ नक्षत्रस्वामी शनी १ , ५ , ६ (राहुला दृष्टी नाही)
राहुचा राशीस्वामी चंद्र ३, ११ नक्षत्रस्वामी १ , ४ , ७ (चंद्राची दृष्टी - ९)

दशास्वामीचे वरील कार्येशत्व पाहिले तर तो घर खरेदीसाठी आवश्यक असलेल्या ४ व ११ या स्थानांचा चांगला कार्येश आहे. त्यामुळे या दशेत घर झाले. तसेच तो तृतीयस्थानाचा कार्येश असल्यामुळे राहत्या घरातून नवीन घरात स्थलांतरही दाखवतो.

हा दशास्वामी प्रमोशनला आवश्यक असलेल्या दशमस्थानाचा कुठल्याही प्रकारे कार्येश होत नाही. तर तो नोकरी व्यवसायात नकारात्मक भूमिका घेणार्‍या पाच व नऊ या स्थानांचा कार्येश आहे.

महादशास्वामी बुध हा दशमाचा बलवान कार्येश आहे. त्यामुळे या महादशेत करिअर चांगले राहीलच. पण प्रमोशनच्या वेळेचा अंतर्दशास्वामी त्या स्थानाचा कार्येश नसल्यामुळे ही अंतर्दशा प्रमोशनला उपयुक्त नाही. कारण वर सांगितल्याप्रमाणे दशास्वामीचा घटनेशी विचारणीय भावाशी संबंध असणे आवश्यक आहे.
त्यामुळे घर झाले, प्रमोशनला विरोध झाला.

प्रमोशनचे जेव्हा घाटत होते, तेव्हा शनीची विदशा सुरू होती. शनीदेखील कुठल्याही प्रकारे दशमस्थान देत नाही. त्यानंतरची बुधाची दशा दशमाशी चांगली निगडीत आहे.

हे आम्ही त्यांना तिथेही सांगू शकलो असतो, पण तुम्हांला समजावे म्हणून हा लेख लिहिला. किमान तुम्हांलातरी हे समजेल आणि घर घेतल्यानंतर नवर्‍याचे/बायकोचे प्रमोशन न झाल्यामुळे तुम्ही फ्रस्ट्रेट आणि पॅनिक होणार नाही.

धोंडोपंत

जातकांचे प्रतिसाद - घरखरेदी

2011-12-31T12:21:00.001+05:30

॥ श्री स्वामी समर्थ॥

लोकहो,

ॐकार प्रभुदेसाईचे घराचे काम झाले. त्याबद्दल अभिनंदन. देसाईवर प्रभूची कृपा झाली. :)

From	ॐकार प्रभुदेसाई
to		धोंडोपंत <dhondopant@gmail.com>
date		30 December 2011 12:02
subject		Good news ....
mailed-by		gmail.com
Signed by		gmail.com
		Important mainly because of the people in the conversation.

hide details 30 Dec (1 day ago)

Namaskaar Pant,

Finally, long period of wait and littlefrustration is over now :) :). I booked 2 BHK flat which exactly fit into mybudget.

I remember, when we had discussion in August this year, you told methat till 25 Dec, there are no possibilities. Amazingly, I saw one small add innews paper on 24 Dec evening and finally on 26 Dec morning I booked the flat.

Ialso checked the legal documentation file from my advocate, he also told me togo ahead with some clarifications. Builder also told me that he will provide whatever documents are required. I am about to start remaining procedures. I willkeep you updating as the things proceeds.

Once again thanks to you and yourprediction "aani tumache shubhasirvad asech aamahala milat rahot"

Thanks,

Omkar

Forward

ओंकार is not available to chat

चल रं शिरपा, देवाची किरपा, झालीया औंदा छान....रं छानं... गाऊं मोटंवरचं गाणं

2011-12-30T15:35:00.000+05:30

॥ श्री स्वामी समर्थ॥

लोकहो,

नुकताच पेण येथे सालाबादप्रमाणे पेण फेस्टिवल पार पडला. त्या फेस्टिवलमध्ये अनेकांचे स्टॉल्स होते तसा मधुराचाही होता. गेल्यावर्षी विक्री चांगली होती, पण या वर्षी तिच्या स्टॉलला ग्राहकांचा प्रतिसाद पहिले काही दिवस अत्यंत नगण्य होता. सहाजिकच, तिच्या मनात खिन्नता निर्माण झाली. एवढे श्रम करायचे, भाडं भरायचं, दिवसरात्र त्या फेस्टिवलसाठी खपायचं आणि विक्री मनासारखी नाही. त्यामुळे तिने नेहमीप्रमाणे आमच्याशी संपर्क साधला. आम्ही तिचे म्हणणे ऐकून, तिला एक तोडगा करायला सांगितला होता.

आमचे जेव्हा बोलणे झाले, तेव्हा पेण फेस्टिवलचे शेवटचे तीन दिवस बाकी होते. तिने तो तोडगा तीन दिवस केला आणि गल्ला असा भरला की विचारू नका. तिच्या मैत्रिणी तिला म्हणायला लागल्या, " अगं, त्यांना फेस्टिवल सुरू होण्यापूर्वीच का नाही विचारलसं?" :) :)

तर असे आपले जालिम तोडगे. मधुराला आमच्या शुभेच्छा. पुढील वर्षीच्या पेण फेस्टिवलला तिच्या स्टॉलवर पैशाचा पाऊस पडो, या शुभेच्छा. मधुराचे आलेले हे पत्र.

मधुराचं पत्र वाचल्यावर आम्हांला गाणं आठवलं.

चल रं शिरपा, देवाची किरपा, झालीया औंदा छान.. रं छान
गाऊ मोटंवरचं गाणं....

from	मधुरा
to		dhondopant@gmail.com
date		26 December 2011 22:20
subject		namaskar
mailed-by		gmail.com
Signed by		gmail.com
		Important mainly because of the people in the conversation.

hide details 26 Dec (4 days ago)

नमस्कार पंत

पेण फेस्टिवल साठी सांगितलेला तोडगा शेवटचे तीनदिवस केला. त्याचा खूपच फायदा झाला. तीन दिवसात छान गल्ला जमला. आता टेन्शननाही......... धन्यवाद............

फोन करेनच...............

आधी केलेल्या मेल साठी पण फोन करणारआहे............

पुन्हा एकदा धन्यवाद .........

मधुरा

Forward

मधुरा is not available to chat

कारभारी दमानं......

2011-12-29T09:37:00.001+05:30

॥ श्री स्वामी समर्थ॥

लोकहो,

यावर्षी ३१ डिसेंबरला चंद्र बहुतेक ग्रहांच्या कुयोगात येतो आहे. चंद्र-शनी षडाष्टक आहे. चंद्र हर्षल युती आहे. तसेच बुध मंगळाच्या केंद्रयोगात आहे.

शनीचं उत्तराभाद्रपदा नक्षत्र आहे. रात्री १०.३५ ला अष्टमी सुरू होतेय. भद्रा लागतेय. सगळं जोरदार काम आहे. सोबत ३१ डिसेंबरची रात्री ११ ची कुंडली दिली आहे. ११ नंतरच राडे सुरू होतात. तोपर्यंत बहुतेकजण कंट्रोलमध्ये असतात.

तर सांगायची गोष्ट ही की, ३१ डिसेंबरची रात्र जरा जपून "साजरी" करा. नसत्या लफड्यात अडकू नका. "प्रोव्होक" करणारी ग्रहस्थिती आहे. हायपर होऊ नका. कुणाशी राडे करायला जाऊ नका.

नको ती झंझटं मागे लागण्यापेक्षा घरात बसून ब्लॅकलेबलचा आस्वाद घ्या.

आपला,
(पर्यायसूचक) धोंडोपंत

पत्रिकामेलन - अशा ही पत्रिका येतात.....

2011-12-27T12:50:00.003+05:30

|| श्री स्वामी समर्थ||

लोकहो,

नुकतेच एक पत्रिकामेलन केले. त्यातील मुलीची ही पत्रिका. गुण २८.५ जमत होते. आम्ही त्या मुलाला विवाह करू नकोस असे सांगितले. कदाचित त्याच्या घरच्या मंडळींनी आधी पत्रिका कुणाला दाखवली असेल आणि त्यांनी पत्रिका जुळतेय असे सांगितले असावे. त्यामुळे आमचे म्हणणे ऐकल्यावर तो एकदम नर्व्हस झाला.

लग्न हा आयुष्याचा प्रश्न आहे. पत्रिकामेलन करतांना फार जबाबदारीने केले पाहिजे. नुसते गुण जमतात म्हणून पत्रिका जुळतेय असे सांगू नये. तर समोरच्या व्यक्तीच्या कुंडलीतील ग्रहयोगांचा, महादशांचा संपूर्ण सखोल विचार करून मग निर्णय द्यायला पाहिजे.

त्या मुलीची पत्रिका खाली दिली आहे. नाव आणि जन्मतपशील गोपनीयतेच्या कारणास्तव उघड करत नाही. ही पत्रिका पहा.

या पत्रिकेत लग्नात लग्नभावारंभी शनी हर्षल युती आहे. हा अत्यंत अशुभयोग आहे. तो लग्नभावारंभी आहे म्हणजे फारच अशुभ आहे. त्यातूनही ही युती मूळ नक्षत्री आहे. हे विशेष आहे. त्यामुळे अशुभत्व पराकोटीचे वाढले आहे. त्यातून शनी हर्षलशी युती करायला जातो आहे. ही होऊन गेलेली युती नाही, होऊ घातलेली युती आहे. पापग्रहांच्या युतीयोगात दोन ग्रहांपैकी शीघ्र ग्रह कमी अंशावर असणे, ही असली स्थिती लै बेकार.

सप्तमेश बुध धनात आहे. म्हणजे स्वस्थानापासून आठवा. सप्तमेश बुध मकरेत शनीच्या राशीत असतांना शनी मूळ नक्षत्रात, हर्षलच्या अंशात्मक युतीत. म्हणजे शनी धनेश म्हणून बिघडला. सप्तमस्थानावर चार पापग्रहांची दृष्टी. (यात आम्ही रवि धरलेला नाही.)

हाच शनी चंद्रकुंडलीचा सप्तमेश आहे. तो स्वत:च्या स्थानापासून बारावा, हर्शलच्या अंशात्मक युतीत. कुंडलीत कारक शुक्र मकरेचा. शनीची हालत वर दिली आहेच.

पंचमेश मंगळ व्ययात. चंद्रकुंडलीचा पंचमेशही तोच. असे असतांना कारक ग्रह गुरू राहुयुक्त. नवमांशात पंचमस्थानी मंगळ शनी.

कुंडलीला २०२१ पर्यंत शुक्राची महादशा सुरू आहे. शुक्र धनात. षष्ठेश आणि लाभेश. शुक्र मंगळाच्या नक्षत्रात मंगळ व्ययात, पंचमेश आणि व्ययेश.

काय सांगू याला? लग्न कर हिच्याशी? आणि काशी करून घे स्वत:ची? ज्यांनी ही पत्रिका जमवली असेल त्यांनी काय झ्याटं पाहिली ते कळत नाही.

आम्ही काही चांगलं सांगायला गेलो की, मग लोक आमच्यावर नाराज होतात. एवढं वाचवलं खड्ड्यातून ते गेलं कुठेच. आम्हाला कशाला वाटेल कुणाचं लग्न होऊ नये म्हणून? पुढे काय खड्डे आहेत ते दाखवणं हे आमचं काम आहे. वास्तव जे आहे ते आम्ही सांगतो.

गोड-गोड बोलणारे बरे वाटतात. अप्रिय पण हिताच्या गोष्टी सांगणारे, चालत नाहीत. तरी आम्ही प्रत्येक गोष्टीचा शास्त्राधार काय आहे? हे जातकाला सांगत असतो. आम्हांला वाटताय म्हणून तू हिच्याशी लग्न करू नकोस असे कधी कुणाला सांगितलेले नाही. तर तुला आम्ही करू नकोस असे सांगतोय, त्याची कारणे काय? तर ही अशी कारणे आहेत. हे खुलासा करून प्रत्येकाला सांगतो. शास्त्र काय आहे ते सांगतो.

ज्यांची सत्य ऐकायची तयारी असेल त्यांनीच आमच्याकडे यावे. जातकाच्या मतानुसार ज्योतिष सांगणारे, त्याला खूश करून पैसे उकळण्यासाठी या शास्त्राचा वापर करणारे खूप आहेत. तुमच्या सोयीचे ऐकायचे असेल तर त्यांच्याकडे जा. आम्ही त्यातले नाही, हे नक्की.

आपला,
(सत्यवादी) धोंडोपंत

ग्रहयोगांचे चमत्कार....

2011-12-25T13:05:00.002+05:30

|| श्री स्वामी समर्थ||

लोकहो,

पत्रिकेतले ग्रहयोग कशी धडधडीत फळे देतात, त्याबद्दल हे उदाहरण. ही कुंडली आहे एका ३८ वर्षीय महिलेची. गोपनीयतेच्या कारणास्तव जन्मतपशील आणि नाव दडवून ठेवले आहे. शास्त्र समजण्यापुरती कुंडली दिली आहे.

साधारण तीन वर्षांपूर्वी ही महिला तिच्या नवर्‍यासोबत आमच्याकडे संततीबद्दलचा प्रश्न घेऊन आली. कुंडली पाहिल्यावर आम्ही तिला स्पष्ट सांगितले की तुम्हांला मूल होणे शक्य नाही. ती त्यापूर्वी अनेकांकडे जाऊन आली होती. त्यांनी गुरूभ्रमण पाहून पुढील वर्षी होईल असे अनेक वर्ष तिला सांगितले होते. पण तसे काही घडले नाही. वैद्यकीय उपचार सुरू होते. त्यात चार वेळा आययुआय करून झाले. शेवटी डॉक्टरांनी आयव्हीएफचा पर्याय सांगितला.

तो करून घेऊन फायदा होईल का? हे विचारण्यासाठी ती आली होती. आम्ही कुंडलीतले योग पाहून दोन मिनिटातचं तिला आयव्हीएफ करून काही होणार नाही असे सांगितले. तसेच तिच्या व तिच्या नवर्‍याच्या पत्रिकेत पंचमाशी बुधाचा संबंध पाहून, मूल दत्तक घेणे हा उत्तम पर्याय आहे हे ही सांगितले.

त्यानंतर त्यांच्याबद्दल काही कळले नाही. कदाचित आमचे स्पष्ट, परखड, फटकळ बोलणे तिला लागले असावे. काही महिन्यांपूर्वी तिचा अचानक फोन आला. बारश्याचा मुहूर्त काढायला. आम्ही मनात म्हटलं,

"चला आपलं भाकीत चुकलं पण तिला मूल झालं हे चांगलं झालं."

मुहूर्तासाठी बाळाची जन्मवेळ विचारली. तर म्हणाली, "निश्चित वेळ माहीत नाही." म्हटलं, "म्हणजे?"

तेव्हा तिने सांगितले की, मूल दत्तक घेतले आहे.

आम्ही तिला आयव्हीएफ करू नकोस, काही फायदा नाही होणार, हे सांगूनही तिने एक दोन नाही तर तीन वेळा आयव्हीएफ च्या सायकल घेतल्या. तीनही वेळेस त्या फेल गेल्या. पाच सहा लाखाचा चुराडा झाला तो झाला, वर तिच्या तब्येतीला हानीकारक औषधे शरीरात गेली ते वेगळचं.

या पत्रिकेत काय योग आहेत ते पहा. सिंह लग्नाच्या या कुंडलीत पंचमेश गुरू हा पंचमातच आहे. पण त्याचे अंश पहा. तो नुसता पंचमात पाहून " वा.. वा !!" म्हणण्याचे कारण नाही. तो किती बिघडलाय ते पहा. म्हणजे हिच्या नशीबात काय लिहून ठेवलाय ते समजेल.

तो राहूच्या अंशात्मक युतीत आहे. ज्यावेळेस कुठलाही ग्रह राहुच्या युतीत येतो तेव्हा राहु त्याला पराकोटीचा बिघडवतो. इथे पंचमेश गुरूच आहे आणि संततीचा कारकही तोच आहे. म्हणजे संबंधीत स्थानाचा अधिपती आणि कारक हे दोन्ही बिघडले. पुढची मजा पहा.

चंद्रकुंडलीचा पंचमेशही गुरूच आहे. त्या पातळीवरही काहीच चांगले नाही. तसेच गुरू हा हर्षलच्या केंद्रयोगात आहे. त्यामुळेही तो बिघडला आहे. त्याहून अशुभ योग म्हणजे तो शनीच्या षडाष्टक योगात आहे. नुसता शनीच्या षडाष्टकात नाही तर वक्री शनीच्या. शनी वक्री असल्यामुळे अशुभत्व खूप वाढले.

आणि सर्वात कहर म्हणजे, नवमांश कुंडलीतला पंचमेशही गुरूच आहे. याला दुर्दैव नाहीतर दुसरं काय म्हणायचं?

कृष्णमूर्ती पद्धतीप्रमाणे, पंचमाचा सबलॉर्ड शुक्र आहे. तो धनेश व लाभेश बुधाच्या नक्षत्रात आहे. म्हणजे संततीचा योग आहे. शुक्राचीच महादशा २००३ पर्यंत म्हणजे वयाच्या ३० व्या वर्षापर्यंत सुरू होती. म्हणजे दशास्वामीही अनुकूल होता. पण संतती झाली नाही. पुढला महादशास्वामी रवी सुद्धा पंचमातच आहे. त्या दशेतही काही झालं नाही.

याचं कारण वर नमूद केलेले ग्रहयोग.

विवाहासाठी पत्रिका जुळवितांना या गोष्टींचा सखोल विचार करून पत्रिकामेलन केले पाहिजे. नुसते ३० गुण आणि ३२ गुण जमताहेत, याला काही अर्थ नाही.

आपला,
(सूक्ष्मदर्शी) धोंडोपंत

वेडे खुळे शहाणे.........

2011-12-25T09:14:00.000+05:30

|| श्री स्वामी समर्थ||

लोकहो,

मूर्ख माणसं मूर्खासारखी वागली तर आपण समजू शकतो. पण शहाणी माणसं जेव्हा मूर्खासारखं वागतात, तेव्हा आपल्यालाच वेड लागायची पाळी येते. त्यातून आडनाव "शहाणे" असलेला माणूस जेव्हा अत्यंत मूर्खासारखा बॉसला काहीबाही बोलून, स्वत:च्या पायावर धोंडा पाडून घेतो, तेव्हा शेक्सपिअरचं वाक्य पटतं. नावात काय आहे? नावात खरचं काही नाही. गोरे आडनावाचा माणूस काळा असतो. काळे आडनावाचा गोरा असतो. जहागिरदार आडनावाचा माणूस कुठल्यातरी सोसायटीत वॉचमन म्हणून काम करत असतो तर राजे आडनावाचा माणूस कुठल्यातरी ऑफिसात कारकून असतो. असो.

तर हा शहाणे आहे एक संगणक अभियंता. ( गोपनीयतेमुळे नाव लिहिलेले नाही.) सॉफ्टवेअर कन्सल्टंट. एका अतीप्रतिष्ठीत सॉफ्टवेअर कंपनीत कामाला आहे. सप्टेंबरमध्ये त्याला प्रोजेक्ट बदलून मिळाला. आणि नवीन प्रोजेक्ट मॅनेजरचे आणि याचे राडे सुरू झाले. त्यांचे रुलिंग प्लॅनेट्स जमत नसावेत. याच्या म्हणण्यानुसार, नवा प्रोजेक्ट मॅनेजर याला उगाच नडत असतो.

१५ नोव्हेंबरला शनीने तुळेत प्रवेश केला आणि याला साडेसाती सुरू झाली. १८ नोव्हेंबरला म्हणजे शुक्रवारी रात्री, याचे आणि त्या मॅनेजरचे जाम वाजले. हा कंपनीतून बाहेर पडला तो डोकं फिरवूनच. हे एवढ्यावर थांबलं नाही. तर ऑफिसातून निघाल्यावर, त्याने तडक एक बार गाठला आणि दारू ढोसली. आणि त्या नशेत करू नये ते केले. त्याने प्रोजेक्ट मॅनेजरला मोबाईलवर फोन करून शिव्यांची लाखोली वाहिली.

२१ तारखेला कंपनीत गेल्यावर एच.आर. कडून एक ईमेल आली आणि त्याला कामावरून काढत असल्याचे सूचित केले. त्यामुळे त्याने प्रोजेक्टसंबंधी कोणतेही काम करू नये, तसेच अपॉईंटमेंट घेऊन भेटावे, प्रकरण गंभीर आहे, असे एच. आर. मॅनेजरने त्याच्या ईमेल मध्ये लिहिले होते. हा घाबरला. तो संपूर्ण आठवडा तो एच आर मॅनेजरची भेट घेण्यासाठी तडफडत होता. पण त्याला भेट मिळाली नाही. २५ नोव्हेंबरला त्याची आणि एच आर मॅनेजरची भेट झाली आणि त्या भेटीत एच आर मॅनेजरने त्याला पेपर्स टाकायला सांगितले.

२८ तारखेला याने आम्हाला फोन करून झालेला प्रकार सांगितला आणि काहीही करून यातून बाहेर काढा, असे म्हणाला. एकंदर प्रकार ऐकून आम्हालाही धक्का बसला. इतक्या हुशार मुलाचे प्रोफाईल अशा पद्धतीने बिघडावे, ही घटना निश्चित तापदायक आहे.

आम्ही त्याला नंबर द्यायला सांगितले. त्याने २६ नंबर दिला. नंबर पाहून बरे वाटले. यात दोन हे अर्थस्थान आणि सहा हे नोकरीचे स्थान. पण बेरीज येतेय आठ ......

२६ क्रमांकाची प्रश्नकुंडली वर दिलेली आहे. चंद्र स्वत: अष्टमात असून तो अष्टमातल्या शुक्राच्या नक्षत्रात आहे. शुक्राची संपूर्ण तूळ रास जरी भावारंभी नसली तरी षष्ठ या नोकरीच्या स्थानी येते. प्रश्न नोकरीत होणार्‍या नुकसान, हानी, तोटा, मनस्ताप याबद्दल आहे.

दशमस्थानाचा उपनक्षत्र स्वामी रवि आहे. रवी नेहमीच मार्गी असतो. रवि स्वत: सप्तमात असून पंचमेश आहे. (जॉब जाण्याचे ठिकाण), रवि वृश्चिकेत ११ अंशांवर म्हणजे शनीच्या नक्षत्रात आहे. प्रश्नवेळी शनी मार्गी आहे. शनी षष्ठात असून तो दशमेश आणि लाभेश आहे. म्हणजे दशमाचा उपनक्षत्रस्वामी हा नोकरीसाठी आवश्यक असलेल्या ६/१०/११ या तीनही स्थानांचा बलवान कार्येश आहे. म्हणजे नोकरी काही जात नाही, ही काळ्या दगडावरची रेघ.

आता पुढचा प्रश्न कामावर कधी रुजू होता येईल? त्यासाठी रुलिंगप्लॅनेट्स पाहिले की झाले. प्रश्नवेळी शुक्राचे लग्न सुरू आहे. केतू शुक्राच्या राशीत म्हणजे केतू शुक्राचे प्रतिनिधीत्व करेल. चंद्र धनुराशीत २१ अंशांवर म्हणजे शुक्राच्याच नक्षत्रात. म्हणजे पुन्हा शुक्र, केतू येतील. राशीस्वामी गुरू म्हणून गुरू आणि वार होता सोमवार. म्हणजे चंद्र.

आता रुलिंगप्लॅनेट्स मध्ये चंद्रभ्रमण पहायचे की रविभ्रमण? ज्या वेळेस घटना महिनाभरात घडेलच याची हमी नसते, तेव्हा फार मोठा संभ्रम निर्माण होतो. याचे उत्तर कुठल्याही ज्योतिषग्रथांत दिलेले नाही.
पण चिंता करायचे कारण नाही. कारण याचे उत्तर आम्ही आमच्या अभ्यासातून शोधून काढले आहे.

रविभ्रमण की चंद्रभ्रमण असा प्रश्न जेव्हा निर्माण होतो, अशा वेळेस आम्ही स्वतः शोधून काढलेले सूत्र वापरतो. ते असे की, लग्ननक्षत्रस्वामी, लग्नाचा उपनक्षत्रस्वामी, लग्नावर दृष्टी असणारे ग्रह, रुलिंगप्लॅनेट्सच्या युतीतील ग्रह यामध्ये रवि आणि चंद्र मिळत आहेत का ते पहावे. रुलिंगमध्ये रवी असेल तर रविभ्रमण घ्यावे चंद्र असेल तर चंद्रभ्रमण घ्यावे. अचूक कालनिर्णय येतो. हे करून पहा.

प्रश्नवेळेच्या रुलिंगप्लॅनेट्समध्ये रवि आणि चंद्र दोघेही आहेत. पण रवी ग्रह उजवा आहे. कारण चंद्र हा वाराचा स्वामी म्हणजे सर्वात कमी दर्जाचा रुलिंगप्लॅनेट आहे. तर रवी लग्ननक्षत्र स्वामी आहे. तसेच लग्नावर रविची दृष्टी आहे. त्यामुळे रवीभ्रमण शोधणेच योग्य आहे.

प्रश्नवेळी रवी वृश्चिकेत होता. वृश्चिकेचा स्वामी रुलिंगमध्ये नाही. त्यामुळे वृश्चिकेत रवि असेपर्यंत म्हणजे १५ डिसेंबर पर्यंत काही होणार नाही. त्यानंतर रवि धनेत जाईल. धनेत केतू शुक्र आणि रवि यांची नक्षत्रे आहेत. त्यापैकी केतु हा सर्वात महत्त्वाचा आहे. त्यामुळे गुरूच्या धनुराशीत केतूच्या मूळ नक्षत्रात जेव्हा रवी जाईल, तेव्हा याला नोकरीत रुजू होता येईल.

हा कालावधी १६ डिसेंबर ते २९ डिसेंबर असा येतो. यातही दिवस काढायचा झाल्यास केतूचेच उपनक्षत्र निवडावे लागेल. कारण केतू हा रुलिंगमध्ये दोन वेळा आला आहे. त्यामुळे १६ डिसेंबर हीच तारिख नक्की केली. तसे त्याला सांगितले.

आम्ही शहाणेला एक तोडगा करायला सांगितले. तसेच रुलिंगमध्ये शुक्राचे प्राबल्य पाहून एखाद्या स्त्री च्या मार्फत मध्यस्ती घडवून आण, असा सल्ला दिला. आम्ही हे सांगितल्यावर तो एकदम चमकलाच. कारण त्याच्या पूर्वीच्या कंपनीत असलेली त्याची मॅनेजर बाई या बॉसची चांगली मैत्रीण आहे, हे याला ठाऊक आहे. तो म्हणाला, तिच्यातर्फेच प्रयत्न करतो.

त्यानंतर लगेच त्याने तिच्याकडे जाऊन तिला सर्व हकीगत सांगितली. बॉसची क्षमा मागतो, तू काहीही करून त्याला पटव असे सांगितले. तिनेही जिव्हाळ्याने या गंभीर प्रश्नाकडे पाहून, तिच्याकडून जे काही करता येईल ते ती करेल असे त्याला आश्वासन दिले. त्यानंतर तिने, हा शहाणे, ती मॅनेजर बाई आणि त्याचा बॉस यांची एक मिटिंग तिने एका हॉटेलात आयोजित केली. त्या मिटिंगला शहाणे येणार आहे, हे तिने आधी मॅनेजरला कळवलेच नव्हते. लय हुशार बाई ही! ते दोघे हॉटेलात भेटले. तेव्हा तिने शहाणेचा विषय काढला. शहाणे खरचं शहाणा आहे हे तिने बॉसला पटवून दिले. :)

थोड्या वेळात शहाणे तिथे "अवतीर्ण" झाला. त्याने बरीच क्षमायाचना केली. बरीच चर्चा झाल्यावर बॉसही त्याला कामावर घ्यायला तयार झाला. पण मॅटर एचआर पर्यंत गेले आहे. I will have to talk to them to stop the proceedings. You will have to wait for a while to resume. असे त्याने शहाणेला सांगितले.

शेवटी शहाणेला एचआर कडून एक वॉर्निंग लेटर आणि विदाउट पे चा आहेर मिळाला आणि दिनांक १६ डिसेंबर रोजी सकाळी सर्व सोपस्कार पार पाडून, दुपारी शहाणे शहाण्यासारखा कामावर रुजू झाला.

आपला,
(शहाणा) धोंडोपंत

अभ्यासकांसाठी- जेव्हा घटना महिनाभरात निश्चितपणे घडणार असेल तेव्हा चंद्रभ्रमण आणि जेव्हा घटना निश्चितपणे महिनाभरानंतर ते वर्षभरापर्यंत घडणार आहे तेव्हा रविभ्रमण हा नियम कृष्णमूर्ती पद्धतीतला अनुभवसिद्ध नियम आहेच. पण जेव्हा घटनेचे स्वरूप निश्चित कालखंड सांगू शकत नाही, तेव्हा काय या प्रश्नाला आमच्या पद्धतीनुसार योग्य उत्तर मिळते. इथे एक गोष्ट लक्षात येते की, जरी घटना महिनाभरात घडली असली तरी रविभ्रमणानुसारच अचूक दिवस मिळाला आहे. त्यामुळे रविभ्रमण की चंद्रभ्रमण असा संभ्रम निर्माण झाला असता, आमची पद्धत योग्य उत्तर देते, हे अभ्यासकांच्या लक्षात आले असेलच.

साडेसाती, राहु, ग्रहदशा वगैरे........

2011-12-24T08:39:00.003+05:30

॥ श्री स्वामी समर्थ ॥

लोकहो,

साडेसाती खरचं असते काय? असा प्रश्न विचारला जातो. याचे उत्तर जो साडेसातीत सापडलाय तोच देईल. राहु ग्रह आहे की नाही? आकाशात तर दिसत नाही. मग तो ग्रह कसा मानायचा? या प्रश्नाचे उत्तरही ज्याला राहु महादशा येऊन गेलेय तोच देईल. राहुच्या महादशेत कशी वाट लागली, हे त्याच्याकडून ऐकावे.

ज्यावेळेस एखादी ग्रहदशा पाच, आठ, बारा या स्थानांशी संबंधीत येते, तेव्हा अपयश हे लिहिलेलं असतं. त्या काळात कितीही गांड आपटली, तरी यश मिळत नाही. ती दशा संपल्यावर यश आपोआप चालत येतं. प्रत्येकाच्या आयुष्यात हा काळ येतोच.

नव्याण्णव शतके सहज झळकावून, जगातले सर्व विक्रम मोडीत काढणार्‍या आपल्या लाडक्या सचिनला, शंभराव्या शतकाला धापा टाकाव्या लागतात. खरे तर सचिन अजून पन्नास शतके ठोकू शकेल एवढा गेम त्याच्यात बाकी आहे. पण समस्त चाहत्यांनी शंभराव्या शतकासाठी देव पाण्यात बुडवूनही या दशेत ते झालं नाही.

ही ग्रहदशेची फळे.

आपला,
(ग्रहांकित) धोंडोपंत

शनि अमावास्या

2011-12-24T08:04:00.001+05:30

॥ श्री स्वामी समर्थ॥

लोकहो,

आज शनिअमावास्या. ज्यांना साडेसाती सुरू आहे किंवा राहु वा शनी महादशा सुरू आहे, अशा लोकांनी आज शनिमंदिरात जाऊन तैलाभिषेक करावा. तसेच शनीच्या पुराणोक्त मंत्राचा जमेल तेवढा जप करावा.

शनीच्या पीडेतून बाहेर येण्यासाठी आजचा दिवस फार महत्वाचा आहे.

श्री शनिमहाराजांची अखंड कृपा तुमच्यावर राहो, या सदिच्छांसह

आपला,
(शुभचिंतक) धोंडोपंत

जातकांचे प्रतिसाद - जागाविक्रीतील अनंत अडचणी

2011-12-17T13:05:00.000+05:30

॥ श्री स्वामी समर्थ॥

from	Ashish Sarode
to		धोंडोपंत <dhondopant@gmail.com>
date		16 December 2011 22:25
subject		धन्यवाद पंत
mailed-by		gmail.com
Signed by		gmail.com
		Important mainly because of the people in the conversation.

hide details 22:25 (14 hours ago)

आदरणीय पंत,

कळवण्यास अत्यंत आनंद होतो की तुम्ही सांगितलेला जागेच्या व्यवहारावरील तोडगा केल्यावर लवकरच माझ्या बहिणीची जागा विकली गेली (आजच व्यवहार पूर्ण झाला). त्याआधी बरेच त्रास होते. कशा न कशामुळे व्यवहार अडत होता. नाहीतरी शेजारचा भामटा काही तरी धमक्या देत होता वगैरे. तोडगा सुरु केला आणि शेजाऱ्याने स्वतःहून आमचा नाद सोडून दिला :). व्यवहारही अतिशय व्यवस्थित झाला.

तसेच मला स्वतःला आणि बहिणीला तुम्ही केलेल्या इतर मार्गदर्शनाचे पण चांगले परिणाम दिसत आहेत. आणखी मार्गदर्शनासाठी तुम्हाला दुसरे इमेल लिहितोच आहे :).

तुम्हाला जेंव्हा पहिल्यांदा फोन केला तेंव्हा माझी मनस्थिती अतिशय निगेटिव्ह होती मात्र आता माझे आणि बहिणीचे दोघांचे अनेक त्रास आपोआप कमी झाले आहेत आणि बरीच अशक्य वाटणारी अवघड कामे पार पडली आहेत.

शतशः धन्यवाद,

आशिष

Thanks,
Ashish

Never worry for the delay in success compared to others, because construction of pyramid takes more time than ordinary buildings

Forward

Invite Ashish Sarode to chat

जातकांचे प्रतिसाद - कृतज्ञता

2011-12-17T12:52:00.000+05:30

॥ श्री स्वामी समर्थ ॥

from	Nikhil K
to		धोंडोपंत <dhondopant@gmail.com>
date		17 December 2011 12:41
subject		Re: Request for confirming your advice
mailed-by		gmail.com
Signed by		gmail.com
		Important mainly because it was sent directly to you.

hide details 12:41 (6 minutes ago)

Pant,

I have to mention with gratitude that you are indeed a beacon for people like us who are less informed about this wonderful science of astrology.

Thanks a lot for clearing my doubts and helping me on my way ahead.

Regards,

Nikhil Kavle

जातकांचे प्रतिसाद - उडालेला डाटा

2011-12-16T17:29:00.000+05:30

॥ श्री स्वामी समर्थ॥

from	शैलेश लांजेकर
to		धोंडोपंत <dhondopant@gmail.com>
date		16 December 2011 12:55
subject		प्रोजेक्टचा हरवलेला डाटा परत मिळाला - त्रिवार धन्यवाद!!!
mailed-by		gmail.com
Signed by		gmail.com
		Important mainly because of the people in the conversation.

hide details 12:55 (4 hours ago)

नमस्कार पंत,

सर्व प्रथम तुमचे मनापासून आभार मानतो आणि खूप खूप धन्यवाद सुद्धा!!

३ डिसेंबर, शुक्रवारी रात्री ऑफिस मधून निघताना माझ्या हातून प्रोजेक्ट संबंधित महत्वाचा डाटा उडवला गेला. डाटा परत नाही मिळाला तर आपली काही खैर नाही हे पक्के माहित होते. ऑफिसमधील सगळ्यांकडून डाटा परत मिळण्याच्या शक्यतेचे नकारार्थी उत्तर घेऊन मनावर आणखीनच दडपण आले.

शनिवारी सकाळी ११ वाजेपर्यंत कसाबसा दम धरला आणि तुम्हाला फोन केला. फोन वर तुम्ही एक मंत्र दिलात आणि रुलिंग मध्ये शनी असल्याने ऑफिस मधील वयस्क माणसाची मदत घेण्यास सांगितलेत.

तुम्ही सांगितल्याप्रमाणे केले आणि अहो आश्चर्यम!! ६० ते ७० टक्के डाटा परत मिळाला!! उरलेला डाटा जुन्या backup मधून आणि मेल्स मधून शोधून काढून परत update करतोय. थोडा वेळ लागेल आणि लागला तरी बेहत्तर...

निदान संकट तरी टळले... जीवावरचे बोटावर निभावले..

फोन वर तुम्ही धीर दिलात आणि मार्गदर्शन केलेत म्हणून हे सर्व शक्य झाले. नाही तर माझे हात पाय गळालेच होते..

त्यानंतर तुम्हाला भ्रमणध्वनी वर संपर्क करण्याचा खूप प्रयत्न केला आणि शेवटी काल रात्री त्यात यश आले!! .. ;-) ;-)

पुन्हा एकदा मनापासून धन्यवाद.. तुम्हाला उदंड आयुष्य, यश तसेच कीर्ती लाभो ही ईश्वरचरणी प्रार्थना...

आपला नम्र,

शैलेश लांजेकर
परिपूर्णतेच्या शर्यतीला अंतिम रेषा नसते............................................................................

Forward

शैलेश is not available to chat

पुत्रभेटीचा घडे महोत्सव....

2011-12-14T22:48:00.001+05:30

॥ श्री स्वामी समर्थ॥

लोकहो,

हे पत्र आहे पुत्रभेटीसाठी आसुसलेल्या एका आईचं. यांचा मुलगा २००९ साली अमेरिकेत गेला. त्यानंतर आईवडिलांशी कौटुंबिक वाद झाले. ते इतके विकोपाला गेले की या मुलाने पालकांशी संबंधच तोडून टाकले होते. तो साधा ईमेल सुद्धा घरी पाठवत नसे. दोन वर्षे या मनस्तापात काढल्यावर या मुलाच्या आईच्या मैत्रिणीकडून तिला आमच्याबद्दल कळले. त्यानंतर तिने आमच्याशी संपर्क साधला होता.

आम्ही मुलाची पत्रिका पाहून तिला काही तोडगे आणि उपासना सांगितली होती. तो मुलगा आता भारतात त्याच्या घरी आला आहे. त्यासंबंधीचे तिचे हे पत्र.

हे पत्र वाचल्यावर इतके कृतकृत्य वाटले की काही सांगता येत नाही. जीवन सार्थकी लागल्याचे समाधान देणारा तो क्षण होता.

From: Anita Gupta
Date: 11 December 2011 08:18
Subject: Thank you....
To: "dhondopant@gmail.com" <dhondopant@gmail.com>

Sir,

Our son Sushil came back to us from US, on friday. I had got in touch with you for advice as to how to contact him since he had not talked to us since 2009.

I thank you from the bottom of my heart for I believe you made this possible by telling me how to pray for him, and encouraging me to keep in touch even when I was so much disheartened.

Thanks again.

I request another talk with you sir.

Regards

Anita Gupta

जातकांचे प्रतिसाद - अडलेला विवाह

2011-12-11T08:46:00.001+05:30

॥ श्री स्वामी समर्थ॥

लोकहो,

हा गौरव विवाहाचा प्रश्न घेऊन मागच्यावर्षी ऑक्टोबर महिन्यात आमच्याकडे आला. त्याचा विवाह जुळत नव्हता. आम्ही त्याला जुलै २०११ ते ऑक्टोबर २०११ या काळात तुझा विवाह जमेल असे सांगितले होते. तो इतका फ्रस्ट्रेट झाल्यासारखा म्हणाला, की " आता टक्कल पडायला लागलाय. विवाहयोग नक्की आहे ना कधी होईल?" आम्ही त्याला म्हटले होते की, " टक्कलाचा आणि विवाहाचा काही संबंध नाही. दशा आली की घटना घडतेच." त्याला आम्ही नवनाथ भक्तिसाराचा २८ अध्याय वाचायला सांगितला होता.

आम्ही सांगितल्यानुसार त्याचा विवाह ऑगस्ट महिन्यात जुळला. पत्रिकामेलन आणि विवाहमुहूर्ताचे काम आम्हीच केले. १३ नोव्हेंबर रोजी ते विवाहबद्ध झाले. त्या उभयतांना उत्तम वैवाहिक जीवनासाठी आमच्या शुभेच्छा.

नांदा सौख्यभरे !!!

from	गौरव
reply-to		गौरव <>
to		धोंडोपंत <dhondopant@gmail.com>
date		10 December 2011 12:13
subject		Re: विवाह मार्गदर्शना संबंधी अभिप्राय
Signed by		yahoo.in
		Important mainly because it was sent directly to you.

hide details 12:13 (20 hours ago)

पंत,

मी ऑक्टोबर २०१० ला 'माझा विवाह योग कधी' असा प्रश्न घेऊन आपल्याशी प्रथम संपर्क साधला होता. तेव्हा आपण सांगितले होते कि माझ्या पत्रिकेत १०० % विवाह योग आहे. शुक्र हाच सप्तमाचा बलवान कार्येश होत असल्याने विवाह ठरण्यासाठी शुक्राची दशा लाभलीच पाहिजे. शुक्राची आणि रविची प्रत्यंतर दशा महत्वाची असल्याचे आपण सांगितले होते.

त्या प्रमाणे जुलै २०११ ते ऑक्टोबर २०११ या कालावधीत माझा विवाह जमू शकतो असे आपण सांगितले होते. तसेच नवनाथ भक्तिसार २८ व्या अध्यायाचे संकल्प करून पठण करावे असेही आपण सांगितले होते.

२६ जुलै २०११ रोजी मी संकल्प करून नवनाथ भक्तिसार २८ व्या अध्यायाचे पठण सुरु केले. त्यानंतर ७ ऑगस्टला ज्या मुलीला भेटलो तिच्याशी महिन्याभरात विवाह योग जुळून आला. अगदी तुम्ही सांगितलेल्या कालावधीत विवाह योग जुळून आला आणि १३ नोव्हेंबर २०११ रोजी आपण काढलेल्या मुहूर्तावर आमचा विवाह संपन्न झाला.

आपले भाकीत अतिशय अचूक ठरले. आपण दिलेल्या मोलाच्या मार्गदर्शनाबद्दल मनःपूर्वक आभार.

धन्यवाद,

गौरव

दत्तजयंतीच्या हार्दिक शुभेच्छा

2011-12-10T05:20:00.001+05:30

॥ श्री स्वामी समर्थ॥

॥ दिगंबरा दिगंबरा श्रीपादवल्लभ दिगंबरा॥

सर्वांना श्रीदत्तात्रेय जयंतीच्या हार्दिक शुभेच्छा.

श्री दत्तगुरूंची अखंड कृपा तुमच्यावर आणि तुमच्या कुटुंबावर राहो, ही प्रार्थना.

आपला,
(शुभचिंतक) धोंडोपंत

खग्रास चंद्रग्रहण - दिनांक १० डिसेंबर २०११

2011-12-07T12:20:00.001+05:30

॥ श्री स्वामी समर्थ॥

लोकहो,

या शनिवारी म्हणजे दहा तारखेल्या होणार्‍या चंद्रग्रहणाबद्दल थोडेसे.

या ग्रहणाचा स्पर्श सायंकाळी १८.१५ ला आहे. संमीलन १९.३६ ला. मध्य २०.०२ ला. उन्मीलन २०.२८ आणि मोक्ष २१.४८ ला.

म्हणजे सायंकाळी सव्वासहा पासून ते रात्री नऊ वाजून अठ्ठेचाळीस मिनिटांपर्यंत हे ग्रहण आहे. एकूण ग्रहणपर्व हे ०३ तास ३३ मिनिटांचे आहे.

या ग्रहणाचा वेध सकाळी ०९.४५ ला सुरू होईल. तेव्हापासून वातावरणात बदल जाणवायला लागतील. नेहमीच्या सूर्यप्रकाशात आणि त्या दिवशीच्या सूर्यप्रकाशात फरक जाणवेल. आजूबाजूच्या प्राण्यांचे, पक्षांचे वागणे बदलेल. एक मलूल आणि म्लान वातावरण अनुभवायला मिळेल.

वेधाचे जे नियम दिलेले आहेत ते काटेकोरपणे पाळता येणं शक्य नाही, हे वास्तव आहे. वेध सकाळी १० वाजता सुरू होत आहेत. सकाळी १० नंतर रात्री पावणेदहा पर्यंत काही खाऊ नये, हे सांगणं योग्य नाही. पण आहार आवश्यक तेवढाचं घ्यावा. शनिवार आहे..... त्यामुळे त्या रात्री "बसू" नये. :). तो कार्यक्रम रविवारी ठेवावा. हे आपण पाळू शकतो. त्या दिवशी मांसाहार करू नये. हे पाळू शकतो. आवश्यक तेवढे ग्रहणपर्वाच्या पूर्वी खायला हरकत नाही.

तसेच वेधाचे नियम हे गर्भवती महिला, अंगावर पिणारी लहान मुले, आजारी व्यक्ती आणि वृद्ध व्यक्ती यांनी पाळावयाची आवश्यकता नसते.

एकूण काय तर आपल्याला जमतील, झेपतील तेवढे नियम पाळावेत.

मात्र या ग्रहणकाळात उपासना जरूर करावी. ग्रहण सुरू झाल्यावर स्नान करून देवपूजा, तर्पण, होम, तुमच्या नेहमीच्या मंत्राचा जप करावा. ज्या कुठल्या मंत्राचा तुम्ही जप करत असाल, त्या मंत्राचा जप ग्रहणकाळात झालाच पाहिजे, हे लक्षात ठेवा. ग्रहण संपल्यावर स्नान आणि दान करावे.

गर्भवती स्त्रियांनी ग्रहण पाहण्याच्या भानगडीत पडू नये.

हे सर्व करा हे सांगणे.

आपला,
(सर्वांचे सर्वकाळ भले चिंतणार) धोंडोपंत

जातकांना धन्यवाद - संगणकीय मार्गदर्शन

2011-12-02T12:03:00.001+05:30

॥ श्री स्वामी समर्थ॥

लोकहो,

आमचे जातक, संगणकतज्ज्ञ श्री निखिल मराठे, यांनी आम्हांला नुकतेच मोलाचे मार्गदर्शन केले, त्याबद्दल आम्ही त्यांचे आभारी आहोत.

त्यांच्याकडे, अमेरिकेत मध्यरात्र झालेली असतांनाही, ते आम्हांला न कंटाळता, मनापासून, आपुलकीने मार्गदर्शन करत होते, हे खरचं कौतुकास्पद आहे.

श्री. मराठे यांना धन्यवाद आणि शुभेच्छा.

आपला,

(आभारी) धोंडोपंत

जातकांचे प्रतिसाद - बदली

2011-12-02T06:29:00.001+05:30

॥ श्री स्वामी समर्थ॥

from	Geeta
to		धोंडोपंत <dhondopant@gmail.com>
date		1 December 2011 15:41
subject		Feedback_Consultation
mailed-by		gmail.com
Signed by		gmail.com
		Important mainly because of the people in the conversation.

hide details 15:41 (14 hours ago)

Namaskar,

As per your consultation I got transfer to Pune & 7th Dec is my joining date.

Thanks for using your knowledge to guide us as well as putting in efforts to come up with accurate analysis & predictions.

Thanks,
Geeta

Forward

गीता is not available to chat

जातकांचे प्रतिसाद - तोडग्यांचे परिणाम

2011-11-22T17:11:00.001+05:30

॥ श्री स्वामी समर्थ॥

श्री. प्रवीणला आणि त्याच्या कुटुंबीयांना आमच्या हार्दिक शुभेच्छा.

from	Praveen
to		dhondopant@gmail.com
date		18 November 2011 12:10
subject		Thank You !
mailed-by		gmail.com
Signed by		gmail.com
		Important mainly because of the people in the conversation.

hide details 18 Nov (4 days ago)

Namaskar Dhondopant,

I am really thankful to you on two accounts. We all are very amazed by the correctness of your advice and it has worked very well.

1) I have put on the “emerald” ring as per your advice about a month ago. I was surprised to see the effect within 3-4 days, people have started reaching out to me for consultancy work, opportunities have increased multi-times.

2) My brother did the 3 Saturday Shani mantra and oil burning ritual. Just as he finished 2^nd Saturday, his salary was increased by 16% ; we were not expecting more than 8-9%. He has successfully completed all 3 Saturdays. He is also doing the chanting before he sleeps everyday.

People might not believe such things, but it was my duty to let you know because you had given us such good advice. Thanks sir.

Regards,

Praveen G

Forward

प्रवीण is not available to chat

ब्लॉगाच्या सर्व फॉलोअर्सना धन्यवाद.......

2011-11-21T11:12:00.001+05:30

॥ श्री स्वामी समर्थ॥

लोकहो,

तुमच्या आवडत्या "धोंडोपंत उवाच" या ब्लॉगाच्या फॉलोअर्स ची संख्या ४०० झाली. एका प्रादेशिक भाषेतील, तो सुद्धा ज्योतिष या एकमेव विषयाला वाहिलेल्या ब्लॉगाला एवढे चाहते मिळावेत हे कौतुकास्पद आहे. कारण या ब्लॉगावर "हिट आणि हॉट" असे काहीही नाही.

तसेच, जे लोक ब्लॉग नियमितपणे वाचतात, पण फॉलोअर म्हणून नोंदणी करायची ज्यांना लाज वाटते असेही बरेच आहेत. म्हणूनच पाच लाख एकाहत्तर हजार एवढी प्रचंड वाचनसंख्या झाली.

ब्लॉग फॉलो करणार्‍या सर्वांना धन्यवाद आणि शुभेच्छा. असाच लोभ राहू द्यावा.

ज्योतिषशास्त्रातील उत्तमोत्तम गोष्टी तुमच्यासमोर मांडत राहू, या अभिवचनासह......

आपला,
(आभारी) धोंडोपंत

जातकांचे प्रतिसाद - घर खरेदी आणि विक्री

2011-11-16T08:54:00.001+05:30

॥ श्री स्वामी समर्थ॥

लोकहो,

श्री. राजेश जोशी यांच्या या अभिप्रायाची आम्ही वाट पहात होतो, तो आज आला. त्यांचे जुने घर विकणे आणि नवीन विकत घेणे ही दोन्ही कामे या दशेत झाली. घर खरेदीचे काम मे महिन्यात पटकन झाले पण विक्रीसाठी थांबावे लागले. अमेरिकेतील एकंदर रिअल इस्टेट मार्केटची सध्याची परिस्थिती लक्षात घेता, थोड्या विलंबाने का होईना पण मनासारखा सौदा झाला, हे खूप चांगले झाले म्हणायचे.

श्री. राजेश जोशींना आमच्या शुभेच्छा.

from	Rajesh Joshi
to		धोंडोपंत <dhondopant@gmail.com>
date		16 November 2011 03:03
subject		घराचे काम झाले
mailed-by		gmail.com
Signed by		gmail.com
		Important mainly because of the people in the conversation.

hide details 03:03 (5 hours ago)

नमस्कार पंत,

आमचे घर विकण्याचे बरेच दिवस रखडलेलं काम आज पूर्ण झाले. मे मधे तुम्हाला नवीन घर घेतल्या ची बातमी दिली होती, नंतर जुनं घर विकण्याच्या मागे होतो. IM वर तुम्हाला updates देतच होतो.

अखेर ते ही काम पूर्ण झालं. तुम्ही सांगितल्या प्रमाणे नवीन घर विकत घेणे आणि जुने घर विकणे ह्या दोन्ही घोष्टी झाल्या.

तुमचे खूप खूप आभार. तुमचे मार्गदर्शन आणि आशीर्वाद असेच आम्हाला कायम लाभू देत.

आपला,

(आनंदित) राजेश जोशी

Forward

Reply by chat to राजेश

दि अण्णा इफेक्ट ......

2011-11-13T16:46:00.001+05:30

॥ श्री स्वामी समर्थ॥

लोकहो,

वेळ रविवार दुपार. स्थळ वडाळा स्टेशन ते किंग्ज सर्कल हा रस्ता. रस्त्यावर काहीही ट्रॅफिक नाही. वडाळा स्टेशनला लेफ्ट घेऊन किंग्ज सर्कलच्या रस्याला लागलो. तिथे एक फ्लाय ओव्हर आहे. त्याखाली पहिला सिग्नल. सिग्नल लाल पडलेला. आमच्या मागे पुढे एकही गाडी नाही. लाल सिग्नल पाहिल्यावर पाय ऍक्सिलेटर वरून क्लच ब्रेक वर आले, गिअर बदलला. स्पीड कमी करत सिग्नलशी आलो. आजूबाजूला कुणीही नव्हतं. पुन्हा ऍक्सिलेटर, गाडीने वेग घेतला. पुन्हा गिअर बदलणार तोच समोर हवालदार अर्ध्या रस्त्यात उभा. गाडी बाजूला घ्या ची खूण करत. मनात म्हटलं, "चला, याची क्वार्टर सुटली."

गाडी बाजूला लावली. तो पर्यंत हवालदार गाडीजवळ. म्हटलं, " नमस्कार, बोला."

" काही नाही लायसन्स काढा." लायसन्स काढलं. लायसन्स वरचे नाव वाचत त्याने गाडीत डोकावलं. स्वामींचा फोटो. नंबर प्लेट बघायला मागे गेला. मागच्या काचेवर ॥ श्री स्वामी समर्थ॥

आम्ही खाली उतरलो. तोपर्यंत त्याने लायसन्सवरील नाव, पत्ता वाचला होता. हवालदार म्हणाला, " तुम्ही सरळ सरळ सिग्नल तोडून येताय. काय बोलायचं तुम्हांला ?"

म्हटलं, " होय, चूक झाली. मान्य करतो. मी हे नाही म्हणत की सिग्नल तोडला नाहीये. कोण नव्हतं रस्त्यात. म्हटलं पटकन निघून जाऊ. पण आपली भेट आज ठरली होती."

" तुम्ही ड्रायव्हिंग करतांना सीटबेल्ट लावलेला नाही. (अथर्वकडे हात दाखवून) तुमचा मुलगा बेल्ट लावून बसलाय. तुम्ही बेल्ट न लावता गाडी चालवताय. तुमच्यासारखी सुसंस्कृत माणसं असं करायला लागली तर काय बोलणार?"

"खरं आहे तुम्ही म्हणताय ते. पण काय आहे की, आपण जुन्या वळणाचे लोक. सीटबेल्ट लावला म्हणजे म्हशीच्या गळ्यात लोढणं बांधल्यासारखं वाटतं. काही सवयी लागलेत. पायात चपला न घालता गाडी चालवायची, खिडकीत हात ठेऊन ड्रायव्हिंग करायचं. मग आता काय करायचं पुढे?"

"काही नाही. रिसिट फाडायची, लायसन्स जमा करायचं. उद्या किंग्जसर्कल चौकीत यायचं, दंड भरायचा आणि लायसन्स घेऊन जायचं."

तो म्हणतोय ते खरोखर की नुसताच वरवरचं बोलतोय हे जाणून घेण्यासाठी आम्ही एक खडा टाकला. म्हटलं, " इथे काही आपली सेटलमेंट नाही होणार का?"

त्यावर तो जे बोललाय, ते लाखमोलाचं वाक्य होतं. तो म्हणाला,

"अहो ते सेटलमेंटचे वगैरे दिवस गेले आता. अण्णा बघा स्वत:च्या जिवाचे हाल करून उपोषण करतायतं."

आमच्या तोंडून उस्फूर्तपणे उद्गार निघाला. म्हटलं,

" क्या बात है साहेब !!!! तुमचं हे वाक्य मला इतकं भावलाय की मी शंभर काय पाचशे रुपये दंड भरायला पण तयार आहे."

तो म्हणाला, " तुम्ही मराठी आहात म्हणून मी तुम्हाला सीटबेल्टचा फाईन लावत नाही. पण सिग्नल तोडल्याचा भरावा लागेल."

असे म्हणत त्याने रिसीट बनवली. आमच्यासाठी तो अत्यंत आनंदाचा क्षण होता.

अण्णांसारखा एक माणूस समाजाची मानसिकता बदलू शकतो, याहून मोठा चमत्कार तो काय असू शकतो?

अण्णांना आमचे विनम्र दंडवत आणि त्या हवालदाराला आमच्या शुभेच्छा.

आपला,
(संतुष्ट) धोंडोपंत

शकुन- अपशकुन - लेख १३ वा

2011-11-13T10:46:00.001+05:30

|| श्री स्वामी समर्थ||

लोकहो,

गेल्या काही दिवसात शकुनांवरून केलेल्या भविष्यकथनाचे परिणाम सांगणारा हा लेख. शकुन-अपशकुन आणि नंबरावरून केलेले भाकीत या गोष्टी वाचकांच्या फार जिव्हाळ्याच्या असल्यामुळे सातत्याने त्याबद्दल लेखन करण्याचा आग्रह होत असतो. गेल्या काही महिन्यातील हे अनुभव.

विनयाने केलेल्या सूचनेवरून यापुढे प्रत्येक लेखांना टॅग देऊ. जेणेकरून त्या वर्गवारीमुळे वाचकांना जुने लेख शोधणे सोपे जाईल. या विषयावरील लेख "शकुन- अपशकुन" या टॅगमध्ये मिळतील. असो.

१) एका गृहस्थांची केळशी जवळ असलेली घराण्याची जमीन विकायचा सौदा चालू होता. त्या जमिनीत बरेच भाऊ वाटेकरी होते. त्यातील दोघेजण सौद्यात खो घालत होते. इतर भाऊ गिर्‍हाईक आणून वाटाघाटी करायला लागले की हे दोघे त्यात काहीतरी खुस्पटं काढून सौदा होऊ देत नसतं. चार पाच वेळा अगदी हातातोंडाशी आलेले सौदे या दोघांमुळे फिस्कटले गेले होते.

त्या गृहस्थांची एका नवीन गिर्‍हाईकाबरोबर बोलणी चालू होती. पण हे दोघे पुन्हा यात काही काड्या घालतील का? अशी शंका त्यांना आली म्हणून त्यांनी आम्हांला फोन केला आणि पुढे काय करायचे असे विचारले.

त्यांचा फोन आला तेव्हा आम्ही मेलबॉक्स मधील पत्रे पहात होतो. त्यांच्याशी बोलत असतांना आम्ही जे पत्र उघडले त्यात आमच्या एका जातकाने पाठविलेला साईबाबांचा फोटो होता.

आम्ही त्या गृहस्थांना सांगितले, " बाबांना, साकडं घाला. सौदा होईल. सौदा झाल्यावर शिर्डीची वारी न चुकता करुन या."

ते म्हणाले, " पण पंत प्रश्नकुंडली मांडा की"

आम्ही म्हटले, " एवढा शकुन असतांना कुंडली कसली मांडायची. बाबा मालिक !!! जा बिनधास्त उद्या आणि सौदा करा."

ते म्हणाले, " बाबांचा फोटो खिशात ठेऊनच जातो. बघूया काय होताय."

त्यानुसार ते गेले आणि आश्चर्यजनक पद्धतीने सौदा घडून आला. जे दोघे भाऊ सौद्याला विरोध करत होते त्यांच्याकडून कोणताही विरोध न होता तो सौदा पार पडला. सर्वात कहर म्हणजे ज्या माणसाने ती जमीन घेतली तो बाबांचा निस्सिम भक्त निघाला.

२) विवाहासंबंधी एका मुलीचा प्रश्न दोन महिन्यांपूर्वी पहातो होतो. तिचे वय २९. अंतर्दशास्वामी जसा विवाहाच्या स्थानाचा कार्येश होता तसाच तो विवाहाला विरोध करणार्‍या स्थानांचाही बलवान कार्येश होता.

ज्या वेळेस दशास्वामी घटनेला पूरक आणि विरोधी अशा दोन्ही स्थानांचा कार्येश होतो तेव्हा घटना त्या अंतर्दशेत घडेल का? असा संभ्रम निर्माण होतो. अशा वेळेस रुलिंग प्लॅनेट्स घ्यावेत. जर तो दशास्वामी रुलिंगमध्ये उपस्थित असेल तर त्या अंतर्दशेत ती घटना घडते. म्हणजे तो सकारात्मक फळे देतो.

ते पाहण्यासाठी रुलिंग प्लॅनेट्स घेणार इतक्यात आमच्या घराजवळ असलेल्या मंगल कार्यालयासमोर एक फटाक्यांची माळ वाजायला लागली. कुणाचे तरी लग्न लागल्याची ती नांदी होती. आम्ही त्या मुलीला उरलेल्या दशाकाळात म्हणजे तीन महिन्यात विवाह जुळेल असे सांगितले.

दिवाळीच्या पूर्वी तिचा विवाह जमला. सांगितल्यापासून दीड महिन्यांनी.

३) गुरूवारी दहा तारखेला एका मुलीने तिच्या प्रेमप्रकरणाबद्दल प्रश्न विचारला. प्रश्न नेहमीचाच, " तो "हो" म्हणेल का?" ती त्याला शनिवारी भेटणार होती. गेले अनेक महिने त्यांची चांगली मैत्री आहे. अनेकदा भेटतात.

तिच्या मनात त्याच्याबद्दल ज्या भावना निर्माण झालेत, तसेच त्यालाही वाटत असेल असे हिचे मत. तिला प्रत्येक भेटीच्या वेळेस वाटायचं की, आज हा प्रपोज करेल. पण गोष्टी कुठेच पुढे जात नव्हत्या. त्यामुळे ती अस्वस्थ होती.

शनिवारच्या भेटीत मी स्वतः हा विषय काढू का? असे तिने विचारले. आमची कन्सल्टेशन्स संपली होती. फेसबुकावर टाईमपास करत होतो. त्यावेळेस या मुलीचा फोन आला. तेवढ्यात फेसबुकावर आमची शाळामैत्रिण संगीताने पर्सनल मेसेज मधून मेहदी हसनने गायलेल्या गझलेतील एक नितांत सुंदर शेर पाठवला. तो असा होता.

ग़ैर बन के ना मिले हम, तुम्हें अपना कर ले
हो इजाज़त तो ये छोटी सी, तमन्ना कर लें

हा शकुन समजून आम्ही तिला सांगितले की, कुंडली वगैरे काही बनवत नाही. तुला तो होकार देणार. ती सुखावली पण म्हणाली,

" पंत, तुम्ही कुंडली न बनवताच सांगताय. so I am bit inclined to doubt. नीट कुंडली बघून सांगा ना."

म्हटलं, तुझं काम झाल्याशी मतलब ना? आम खाओ.... पेड मत गिनो"

काल संध्याकाळी तिचा फोन आला. त्या बाप्याने शेवटी काल खिंड लढवली. संगीताने पाठवलेला शेर पुन्हा आमच्या डोक्यात आला.

आपला,
(सूचक) धोंडोपंत

जातकांचे प्रतिसाद -- नवीन जॉब

2011-11-09T15:14:00.001+05:30

॥ श्री स्वामी समर्थ॥

लोकहो,

या सागरचा जॉब चा मोठा प्रॉब्लेम झाला होता. शिक्षण पूर्ण होऊन जॉब नाही. आम्ही त्याची पत्रिका पाहिली तेव्हा त्याला बिनधास्त राहण्याचा सल्ला दिला होता. डिसेंबरपर्यंत जॉब मिळेल असे म्हणालो होतो. त्याला एक तोडगा सांगितला होता.

त्यानंतर काही दिवसांनी त्यांनी पुन्हा संपर्क साधला. अजून काही होत नाहीये म्हणाला. दशा डिसेंबर पर्यंत आहे. त्याच्या आत होईल असे सांगितले. लोकांना असं वाटतं की दशा सुरु झाली की पहिल्याच दिवशी कामे झाली पाहिजेत.असं होत नाही.

नाहीतर एखाद्याला विवाह, संततीची दशा असेल तर दशेच्या पहिल्याच दिवशी सकाळी विवाह आणि संध्याकाळी संतती, असं होऊ शकेल का? पण त्या दशेत होणार म्हणजे होणार. पण लोक हे समजून घेत नाहीत आणि उगाच हायपर होतात. हा ही तसाच हडबडला होता. पुन्हा त्याला सांगितले की डिसेंबर पर्यंत मिळेल. आज त्याचे नोकरी मिळाल्याचे आलेले हे पत्र.

from	Sagar
to		धोंडोपंत <dhondopant@gmail.com>
date		9 November 2011 09:41
subject		तुम्ही ग्रेट आहात
mailed-by		gmail.com
Signed by		gmail.com
		Important mainly because of the people in the conversation.

hide details 09:41 (5 hours ago)

नमस्कार पंत

तुम्ही ग्रेट आहात.काही महिन्यापूर्वी मी तुम्हाला माझ्या नोकरी संदर्भात विचारले होते तेंव्हा तुम्ही मला स्पष्टपणे सांगितले होते कि काहीही काळजी करण्याचे कारण नाही नोकरी आरामात लागेल,
डिसेंबर पर्यंत कुठल्याही परिस्थितीत नौकरी लागेल अस तुम्ही म्हणाला होतात.

तुम्ही जो तोडगा दिला होता त्याचाही उपयोग झाला,म्हणून Selection झाल्याबरोबर आधी घरी फोन केला व लगेच तुम्ही आठवलात म्हणून तुम्हाला फोन केला.

शतश: धन्यवाद .

आशीर्वाद द्या. आज नौकरीचा पहिला दिवस आहे.

आपला
सागर

वक्री मंगळ -- धोकादायक कालावधी

2011-11-08T13:49:00.001+05:30

|| श्री स्वामी समर्थ||

लोकहो,

मंगळरावांनी ३१ ऑक्टोबर २०११ रोजी सिंह राशीत प्रवेश केला आहे. सिंह राशीचे लोक कधी एकदा साडेसाती संपतेय याची वाट पहात असतांना, आता राशीत हे नवे पाहुणे आले आहेत. बरं आलेत ते आलेत, येतांना भरपूर सामान घेऊन आलेत. कारण त्यांना पावणेआठ महिने सिंह राशीत तळ ठोकायचा आहे. सिंहेत ते वक्री होणार आहेत. इथे सगळा राडा आहे.

मंगळ जेव्हा वक्री होतो, तेव्हा तो फलिताच्या दृष्टीने अत्यंत नकारात्मक फळे देतो. मंगळ सिंहेत २९ अंश गेल्यावर म्हणजे अगदी राशी पार करायच्या आधी सिंहेत वक्री होत आहे. तो दिवस आहे २५ जानेवारी २०१२.

या दिवशी मंगळ राशीचक्रात १४९ अंशावर म्हणजे सिंहेत २९ अंश असतांना वक्री होत आहे. आणि २५ जानेवारी २०१२ पासून ते १४ एप्रिल २०१२ पर्यंत वक्री आहे. १४ एप्रिल २०१२ ला तो १२९ अंशावर वक्री होऊन येईल आणि तिथून मार्गी होईल. म्हणजे २० अंशाची पिछेहाट. आणि मग १४ एप्रिल २०१२ पासून मार्गी होऊन शेवटी २२ जून २०१२ रोजी कन्येत जाईल.

म्हणजेच ३१ ऑक्टोबर ते २२ जून असा पावणे आठ महिने मंगळाचा मुक्काम सिंह राशीत आहे. हा कालावधी अत्यंत तापदायक आहे. विशेषतः २५ जानेवारी २०१२ ते १४ एप्रिल २०१२. सिंह राशीच्या आणि सिंह, मीन आणि मकर लग्नाच्या लोकांनी विशेष काळजी या काळात घ्यावी.

मागच्या वेळेस मंगळ जेव्हा वक्री झाला होता तो काळ होता २१ डिसेंबर २००९ ते १० मार्च २०१०. साधारण ७९/८० दिवस मंगळ वक्री असतो. आता प्रश्न असा आहे की, या काळात काय होऊ शकतं?

तर मंगळ हा अपघाताचा कारक ग्रह आहे. या काळात अपघातांचे प्रमाण वाढेल. स्फोट, विद्युत आणि रसायने यांचे स्फोट या काळात होतील. विशेषतः मार्च २०१२ च्या अखेरपासून ते एप्रिलमध्ये. याचे कारण असे आहे की, या वक्री मंगळाचा नेपच्यूनशी प्रतियोग आणि हर्शलशी षडाष्टक योग होत आहे. हा काळ अपघातांच्या दृष्टीने फार वाईट असणार आहे.

केमिकल्सशी ज्यांचा संबंध येतो, किंवा जे रिफायनरी मध्ये आहेत, किंवा ज्यांचा संबंध इलेक्ट्रिसिटीशी आहे, त्या लोकांनी या काळात फार काळजी घ्यावी. लहानशी चूक सुद्धा फार मोठी किंमत द्यायला लावेल. काय म्हटलंय ते नीट लक्षात घ्या.

जन्मकुंडलीत मंगळ ज्या स्थानात असतो आणि ज्या स्थानांचा स्वामी असतो त्या संबंधाचे एखादे अशुभ फळ तो वक्रत्वाच्या काळात पदरात टाकतो. मुळात पत्रिकेत जर मंगळ बिघडलेला असेल, शनी, हर्षल, नेपच्यून यांच्या कुयोगात असेल, तर मंगळाच्या वक्रत्वाच्या काळात फार त्रास होतो. तसेच भावडांचा कारक म्हणून त्या दृष्टीनेही वाईट फळ अनेकांना मिळते.

आता या काळात काय केलं पाहिजे. सर्वात पहिली गोष्ट म्हणजे, धोका स्वीकारायचा नाही. नको तिथे आय घालायला जायचं नाही. पेट्रोलपंपावर सावधपणे वावरायचं. गाडीतून पेट्रोलचा वास आला, तर लगेच मॅकेनिककडे गाडी घेऊन जायची. उद्या जाऊ, उद्या जाऊ करायचं नाही. गाडी पार्क करतांना शक्यतो केमिकल टँकरच्या जवळ पार्क करायची नाही. घरात इलेक्ट्रिसिटीचा वापर करतांना काळजी घ्यायची. रात्री अपरात्री बाईक घेऊन फिरायचं नाही. रस्त्यात कुणाचे राडे चालले असतील, तर आपण सोडवायला जायचं नाही. फायर एस्टिंग्विशर आणि पाणी घरात पाहिजे. ऑफिसमध्ये कुणी भडकवण्यासारखं बोललं, तरी प्रतिक्रिया देऊन भांडणं वाढवायची नाही. सिंह रास पत्रिकेत ज्या स्थानात येत असेल त्या स्थानाने दाखवलेल्या व्यक्तीला जपायचं.

अशा पद्धतीने शांतपणे जगायचं. गणपतीची उपासना करायची. दर मंगळवारी २१ दूर्वा आणि एक जास्वंदाचं फूल गणपतीला वहायचं. ॐ गं गणपतये नमः या मंत्राचा जप करायचा. अथर्वशीर्षाचे पारायण सर्वात उत्तम. स्त्रियांनी अथर्वशीर्ष म्हणू नये. का? हा प्रश्न विचारू नये. आहे हे असं आहे.

गणपतीबाप्पांच्या कृपेने हा कालावधी निर्विघ्नपणे पार पडावा यासाठी तुम्हां सर्वांना शुभेच्छा.

आपला,
(सावध) धोंडोपंत

जय जय श्री शनिदेवा... पद्मकर शिरीं ठेवा

2011-11-04T12:49:00.000+05:30

| श्री स्वामी समर्थ||

लोकहो,

शनीमहाराजांचा राशीबदल जसजसा जवळ येतोय, तसतसं त्याबद्दल लिहा म्हणून होणारी मागणी रोज वाढत आहे. अशा महत्त्वपूर्ण घटनेबद्दल आपलं ज्ञान पाजळणारे बरेच लोक समाजात असतात. त्यापैकी अनेकांनी त्यांची लेखणी या विषयावर चालवली आहे. काही जण दूरदर्शनच्या वाहिन्यांवर शनीमहाराजांबद्दल बेंबीच्या देठापासून कोकलायला लागले आहेत. त्यातील काही गोष्टी ऐकून, वाचून हसायला आले इतकचं. असो.

लोकशाही आहे. प्रत्येकाला आपलं मत मांडण्याचा अधिकार आहे. पण अपरिपक्व लेखन आणि उथळ वक्तव्य करून शास्त्राबद्दल चुकीचे संकेत कोणी पोहोचवू नये, हे खरेच.

तर शनीमहाराज, कन्येतून १५ नोव्हेंबर रोजी तुळेत जाणार आहेत. म्हणजे तुळेच्या पुढच्या वृश्चिक राशीला साडेसाती सुरू होईल. सिंह राशीची साडेसाती संपेल. सिंह राशीवाले सुटकेचा नि:श्वास सोडतील आणि वृश्चिकवाले अडकतील.

कन्या राशीचा शेवटचा टप्पा सुरू होईल. तुळेला ऐन चंद्रावरून शनीमहाराजांचे भ्रमण आणि वृश्चिकेला येत्या काही वर्षात आपली काय हालत होणार आहे, याची नांदी बघायला मिळेल, असे वातावरण आहे.

यात एक गोची अशी आहे की, ८ फेब्रुवारी २०१२ रोजी शनी़ १८५ अंश ३२ कलांवर असतांना वक्री होणार आहे. म्हणजे तुळेत ०५ अंश ३२ कलांवर गेला की शनी वक्री होतोय आणि त्यानंतर तो १७ मे २०१२ ला पुन्हा कन्येत येतोय. म्हणजे पुन्हा सिंहेला साडेसाती सुरू, वृश्चिकवाले बाहेर आणि सिंह आत.

शनी २६ जून २०१२ ला १७८ अंश ४७ कलांपर्यंत येऊन पुन्हा मार्गी होतोय आणि ३ ऑगस्ट २०१२ रोजी पुन्हा तुळेत जातोय.

त्यानंतर पुन्हा २२ वर्षे तो सिंहेला छळायला येणार नाही. वर लिहिलेले गणित नीट समजून घ्या.

म्हणजे, शनीचा तुळेत प्रवेश, मग तुळेत शनी वक्री, मग पुन्हा कन्येत प्रवेश, मग कन्येत मार्गी आणि पुन्हा तुळेत.. असा शनिमहाराजांचा प्रवास राहणार आहे.

आता शनीने राशी बदलली तर काय होणार आहे? काही विद्वान असं म्हणतात की, "शनीच्या राशीबदलाकडे दुर्लक्ष करा. त्यात काय एवढं. सगळे ग्रह राशी बदलतात तसा शनी बदलतो. त्याचा बाऊ करू नका."

हम्म्म्म्म्म्म्म्म्म्म्म्म

मंडळी खरं सांगू का? शनीच्या राशीबदलाबद्दल जे अशी विधाने करतात ना, त्यांना शनी कळलाच नाही असे म्हणावे लागेल. कळलाच नाही तर फळायची तर गोष्टच दूर राहिली. काय?..... शनी फळण्यासाठी आधी तो कळावा लागतो. तो ज्याला कळतो, तो मग रोज शनीची सेवा करतो, दर शनिवारी शनिला तैलाभिषेक करतो, काळी वस्त्रे परिधान करून शनीचा जप करतो. अशी अनेक वर्षे शनीची सेवा झाल्यावर, शनि त्याला फळतो.

जगातल्या सर्व दैन्याचा, दु:खाचा कारक ग्रह शनीच आहे. म्हणून आम्ही नेहमी सांगत असतो, बाकी काही साधना नाही केलीत तरी एकवेळ चालेल, पण शनीची सेवा न चुकता करा. शनी जर तुमच्यावर प्रसन्न झाला, तर तुमचं कोणी काही वाकडं करू शकत नाही. आणि तो जर कोपला, तर ब्रह्मदेवही तुम्हाला वाचवू शकत नाही. रामदासस्वामींनी दासबोधात म्हटले आहे की,

या कारणे जे मुख्य मुख्य| तयांशीच करावे सख्य|| .........

फार उमदा आणि मौलिक विचार सांगितला समर्थांनी.

सेवा कुणाची करायची, मर्जी कुणाची संपादन करायची? तर जो सर्वश्रेष्ठ आहे त्याची. एकदा तो हाती आला की जग हातात आल्यासारखे आहे.

ज्ञानेश्वर महाराज ज्ञानेश्वरीत म्हणतात

का चिंतामणी आलिया हाती| सदा विजयवृत्ती मनोरथी| तैसा मी पूर्णकाम श्रीनिवृत्ती| ज्ञानदेवो म्हणे||

एकदा जर चिंतामणी हाती लागला की सर्व मनोरथांवर विजय. तसं एकदा शनी प्रसन्न झाला की जीवन कृतार्थ. असो.

सांगायचा उद्देश हा की, शनीचे भ्रमण हे निश्चित दूरगामी परिणाम करणारे आहे. ते त्याच गांभीर्याने घेतले पाहिजे.

वर उल्लेख केलेल्या राशींच्या लोकांनी साडेसातीत काय करावे? जेणेकरून शनीची पीडा कमी होईल? या प्रश्नाचे उत्तर दिले पाहिजे.

तत्पूर्वी एक अनुभव सांगतो. शनी कसा नाचवतो माणसाला त्याचे. आमच्या परिचयात एक गृहस्थ आहेत. मोठा व्यवसाय, खूप पैसा. पण अत्यंत माजोरडा स्वभाव. आपण म्हणजे कोण? लोकांना त्रास देण्यात गेली अनेक वर्षे गेली. लोक कंटाळून त्यांना टाळतात. कारण प्रत्येकाशी दादागिरी. मी म्हणजे कोण? मी हे केलं, मी ते केलं...

आम्हांला काही जणं विचारायचे, "पंत, हा इतका मग्रूर आहे याला कसं काही होत नाही? सगळं मजेत चालू आहे याचं."

आम्ही त्यांना सांगायचो, " त्याची साडेसाती सुरू होऊ दे. सगळी मिजास उतरेल." आणि अगदी तस्सं झालं.

त्या गृहस्थांना साडेसाती सुरू झाली. रोज नव्या समस्या व्यवसायात यायला लागल्या. जवळची खास विश्वासातली माणसं एक एक करत दुरावली, सोडून गेली. घरात रोज भांडणं. बायको मुलांशी राडे. मुलाशी पटत नाही. मुलाने आत्तापर्यंत बापाचे ऐकून घेतले होते. या साडेसातीत एक दिवस मुलाने बापाच्या सणसणीत कानाखाली दिली. ईएनटी कडे न्यावे लागले.

शनी कन्येत आला. त्यांच्या व्ययस्थानात. नको तिथे पैसे जायला लागले. गाडीला मोठा अपघात झाला. त्यात कुटुंबातील माणसे दगावली. बायको वारली. मुलावर अवलंबून रहायची पाळी आली. मुलाने तर बापाच्या कानाखाली आवाज काढल्यापासून त्यांना समजले की घरात आता आपली दादागिरी चालणार नाही.

शनी व्ययात गेला आणि पॅरॅलिसीसचा ऍटॅक आला. आता एक माणूस सोबत असल्याशिवाय घराबाहेर दोन पावले टाकू शकत नाहीत. गेल्या पाच वर्षात होत्याचं नव्हतं झालं. एकेकाळचा रूबाब, मस्ती, मिजास सगळं उतरलं. त्यांच्या सेवेला एक मुलगा आहे. तो त्यांना सकाळी आणि संध्याकाळी घराबाहेर घेऊन येतो. एका हातात काठी आणि दुसरा हात त्याच्या खांद्यावर असे चालत समोरच्या वडाच्या झाडाखाली काही वेळ बसतात.

हा शनी. असे एक नव्हे तर हजार उदाहरणे आम्ही दाखवू. त्यामुळे शनीभ्रमण म्हणजे शुल्लक घटना समजण्याचे कारण नाही.

ज्या लोकांना साडेसाती सुरू आहे त्यांनी शनीची उपासना भरपूर करावी. रोज रात्री झोपण्यापूर्वी शनीच्या बीजमंत्राचा जमेल तेवढा जप करावा. शनिवारी न चुकता शनीच्या मंदिरात जाऊन दर्शन घ्यावे. शनिला तैलाभिषेक करावा. काळे उडीद वहावे. शनिमाहात्म्य दर शनिवारी वाचावे. दर शनिवारी जेवण्यापूर्वी कावळ्यासाठी जेवणाचे पदार्थ एका पानावर घेऊन ते घराबाहेर ठेवावे.

शनिअमावास्येला किंवा त्रास जास्त असेल तर कुठल्याही अमावास्येला एका मातीच्या पणतीत गोडेतेल घेऊन त्यात आपला चेहरा नीट न्याहाळावा आणि ते तेल शनीच्या मंदिरात जी समई प्रज्ज्वलित झालेली असेल, त्यात नेऊन ओतावे. ते तेल जळले गेले पाहिजे हे लक्षात ठेवा. मूर्तीवर तेल ओतू नका.

तसेच शनीच्या अंमलाखाली जे लोक येतात त्यांना दान द्यावे. उदाहरणार्थ, देवळाबाहेर बसलेले गरीब लोक, (भिकारी हा शब्द आम्ही टाळतोय), त्यातही एखादा पंगू, पोक आलेला असेल अशा माणसाला जमेल, परवडेल तेवढे दान द्यावे. रस्त्यात हिजडा दिसला तर त्याला न चुकता दान द्यावे. या लोकांना पैसे देतांना " ॐ शं शनैश्चराय नमः " हा मंत्र मनात म्हणावा, शनीचे स्मरण करावे आणि पैसे द्यावे. हिजड्यांचे आशीर्वाद साडेसातीत फार फळतात. अनुभव घेऊन बघा.

आणि सर्वात महत्त्वाचे म्हणजे, माजोरडेपणा सोडून द्यावा. माजोरड्यांना शनी जाम फटकावतो. महापूरे झाडे जाती... तेथे लव्हाळे वाचती... अशी म्हण आहे. महाराज म्हणाले,

" लहानपण देगा देवा| मुंगी साखरेचा रवा|
ऐरावत रत्ने थोर| तया अंकुशाचा मार|

Low Profile ठेवून जगणे हे श्रेयस्कर.

तुमच्या पत्रिकेतून ज्या स्थानातून शनी जाणार आहे, त्या स्थानांनी दर्शवलेल्या गोष्टींमध्ये सर्वात जास्त त्रास होतो. तो चतुर्थातून जात असेल तर आईच्या तब्येतीची काळजी घ्या. दशमातून जात असेल तर वडिलांच्या तब्येतीला जपा. पंचमात मुले. सप्तमात बायको, तृतीयात भावंडे वगैरे. तसेच ज्या जन्मस्थ ग्रहावरून शनीचे भ्रमण होते, त्या ग्रहाच्या कारकत्वाची वाईट फळे मिळतात. लेख खूप मोठा झालाय. त्यामुळे या मुद्द्यावर विस्तृत विवेचन आत्ता शक्य नाही. पुन्हा केव्हातरी.

श्री शनिमहाराजांची अखंड कृपा तुम्हां सर्वांवर राहो, या सदिच्छांसह.

आपला,
(सर्वांचे सर्वकाळ भले चिंतणार) धोंडोपंत